ಕಾರ್ಯಕ್ರಮದ ಪೂರ್ವ ಸಿದ್ಧತೆ ಗಾಗಿ ಮೂರು ತಿಂಗಳ ಹಿಂದೆ ಹುತ್ತದ ಮತ್ತು ಕೆರೆಯ ಮಣ್ಣನ್ನು ತಂದು ಶುದ್ಧಗೊಳಿಸಿ, ಪಾವಗಡ, ಶಿರಾ, ತುಮಕೂರು, ಕೊರಟಗೆರೆ, ಮಡಕಶಿರಾ, ತ್ಯಾಮಗೊಂಡ್ಲು, ಹೆಬ್ಬೂರಿನ ಸಂಘ ಸಂಸ್ಥೆಯ ಪದಾಧಿಕಾರಿಗಳಿಗೆ ನೀಡಲಾಯಿತು. ಮಹಿಳೆಯರು ಶ್ರದ್ಧಾಭಕ್ತಿಯಿಂದ ಲಿಂಗಗಳನ್ನು ನಿರ್ಮಿಸಿದರು. ಒಬ್ಬೊಬ್ಬರು ಸುಮಾರು 7 ಸಾವಿರ, 3 ಸಾವಿರ ಸಣ್ಣ ಲಿಂಗಗಳನ್ನು ತಯಾರಿಸಿ, ಜೋಪಾನವಾಗಿ ತಂದು ವಾಸವಿ ಕ್ಲಬ್ಗೆ ಒಪ್ಪಿಸಿದ್ದಾರೆ. ಲಕ್ಷ ಲಿಂಗಗಳನ್ನು ದೇವಾಲಯದ ಸಭಾಂಗಣದಲ್ಲಿ ಆಕರ್ಷಣಿಯವಾಗಿ ಜೋಡಿಸಲಾಗಿದ್ದು, ಇದರ ಜೊತೆಗೆ ಭಿನ್ನ ಲಿಂಗಗಳನ್ನು ತಯಾರಿಸಿ ಸಾರ್ವಜನಿಕರ ಪ್ರದರ್ಶನಕ್ಕೆ ಇಡಲಾಗಿದೆ ಎಂದು ಸಹನಾ ತಿಳಿಸಿದರು.