ಬಾಗೇಪಲ್ಲಿ ಪುರಸಭೆ: ₹20.54 ಲಕ್ಷ ಉಳಿತಾಯ ಬಜೆಟ್

ವಿವಿಧ ಮೂಲಗಳಿಂದ ₹11,93,66,000 ಹಾಗೂ ಆರಂಭಿಕ ಶುಲ್ಕ ₹79,51,481 ಸೇರಿ, ಒಟ್ಟಾರೆ ₹12,73,17,481 ಆದಾಯ ನಿರೀಕ್ಷಿಸಲಾಗಿದೆ. ₹12,52,63,100 ವೆಚ್ಚ ತೋರಿಸಲಾಗಿದ್ದು, ₹20,54,381 ಉಳಿತಾಯವಾಗಲಿದೆ.

ರಾಜ್ಯ ಸರ್ಕಾರದಿಂದ 2021-22 ನೇ ಸಾಲಿಗೆ ಎಸ್ ಎಫ್ ಸಿ ವೇತನ ಅನುದಾನ ₹1.5 ಕೋಟಿ, ವಿದ್ಯುತ್ ಅನುದಾನ ₹3 ಕೋಟಿ, ಎಸ್ ಎಫ್ ಸಿ ಅನುದಾನ ₹60 ಲಕ್ಷ, ಕುಡಿಯುವ ನೀರು ಬರಪರಿಹಾರ ಅನುದಾನ ₹1.5 ಕೋಟಿ, ಆಸ್ತಿ ತೆರಿಗೆಯಿಂದ ವಸೂಲಿ ₹1.2 ಕೋಟಿ, ಪುರಸಭೆ ಅಂಗಡಿಗಳ ಬಾಡಿಗೆ ₹25 ಲಕ್ಷ, ನೀರು ಸರಬರಾಜು ತೆರಿಗೆ ₹98.5 ಲಕ್ಷ, ಉದ್ದಿಮೆ ಪರವಾನಗಿ ಶುಲ್ಕ ₹6 ಲಕ್ಷ, ಜನಗಣತಿ ಅನುದಾನ ₹1 ಲಕ್ಷ, ಇತರೆ ಅನುದಾನ ₹20 ಲಕ್ಷ, ನಲ್ಮ್ ಅನುದಾನ ₹30 ಲಕ್ಷ ಸೇರಿ ಆದಾಯ ನಿರೀಕ್ಷಿಸಲಾಗಿದೆ.

ಸಿಬ್ಬಂದಿ ವೇತನ ₹1.59 ಕೋಟಿ, ಬೀದೀಪಗಳು ಮತ್ತು ನೀರು ಸರಬರಾಜು ಕೇಂದ್ರಗಳು ವಿದ್ಯುತ್ ನಿರ್ವಹಣೆ ₹2.64 ಕೋಟಿ, ಹೊರಗುತ್ತಿಗೆ ಪೌರಕಾರ್ಮಿಕರ ವೇತನ ₹30 ಲಕ್ಷ, ಪೌರಕಾರ್ಮಿಕರಿಗೆ ಬೆಳಗಿನ ಉಪಾಹಾರ ₹7 ಲಕ್ಷ, ಕಸದ ವಿಲೇವಾರಿ ವಾಹನಗಳು ರಿಪೇರಿಗಾಗಿ ₹5 ಲಕ್ಷ, ಪೌರಕಾರ್ಮಿಕರಿಗೆ ಸಾಧನ ಸಲಕರಣೆಗಳು ₹7.5 ಲಕ್ಷ, ಪರಿಶಿಷ್ಟ ಜಾತಿ, ಪಂಗಡದ ಜನಾಂಗರ ಮೃತಪಟ್ಟವರ ಶವಸಂಸ್ಕಾರಕ್ಕಾಗಿ ಸಹಾಯಧನ ₹2 ಲಕ್ಷ, ಉದ್ಯಾನವನ ಅಭಿವೃದ್ಧಿ ₹30 ಲಕ್ಷ, ಕಚೇರಿ ಉಪಕರಣಗಳು ₹10 ಲಕ್ಷ, ರಸ್ತೆ ರಸ್ತೆ ಬದಿಯ ಚರಂಡಿ ಕಾಮಗಾರಿಗೆ ₹1.56 ಕೋಟಿ, ಬೀದಿದೀಪಗಳು, ಟ್ರಾಫಿಕ್ ಸಿಗ್ನಲ್ ₹18 ಲಕ್ಷ, ನೀರು ಸರಬರಾಜು ಸಂಬಂಧಿತ ಯಂತ್ರೋಪಕರಣ ಹಾಗೂ ಕಾಮಗಾರಿಗಳು ₹2.34 ಕೋಟಿ, ಎಸ್‍ಸಿ, ಎಸ್‍ಟಿ ಜನಾಂಗ ಪ್ರದೇಶಗಳಲ್ಲಿ ವಾಸಿಸುವ ರಸ್ತೆ ಬದಿಯ ಮತ್ತು ಚರಂಡಿ ಕಾಮಗಾರಿ ₹25.5 ಲಕ್ಷ, ವೈಯುಕ್ತಿಕ ಶೌಚಾಲಯಕ್ಕಾಗಿ ಸಹಾಯಧನ ₹10 ಲಕ್ಷ, ಈಜುಕೊಳ ₹30 ಲಕ್ಷಗಳನ್ನು ವೆಚ್ಚವಾಗಿ ತೋರಿಸಲಾಗಿದ.

ಸಭೆಯಲ್ಲಿ ಪುರಸಭೆ ಮುಖ್ಯಾಧಿಕಾರಿ ಎಂ.ಪಂಕಜಾರೆಡ್ಡಿ, ಉಪಾಧ್ಯಕ್ಷ ಎ.ಶ್ರೀನಿವಾಸ್, ಸ್ಥಾಯಿ ಸಮಿತಿ ಅಧ್ಯಕ್ಷ ಎ.ನಂಜುಂಡಪ್ಪ, ಮುಖ್ಯಲೆಕ್ಕಾಧಿಕಾರಿ ಶ್ರೀಧರ್, ಕಂದಾಯ ಅಧಿಕಾರಿ ನಾಗರಾಜ್, ಅಧಿಕಾರಿಗಳಾದ ಅಥಾವುಲ್ಲಾ, ಮುರಳೀಧರ್, ಸದಸ್ಯರಾದ ಶ್ರೀನಿವಾಸರೆಡ್ಡಿ. ಬಿ.ಎ.ನರಸಿಂಹಮೂರ್ತಿ, ಅಶೋಕ್ ರೆಡ್ಡಿ, ಕೆ.ಎ.ಶ್ರೀನಾಥ್, ಗಡ್ಡಂರಮೇಶ್, ವಿ.ವನೀತಾದೇವಿ ಇದ್ದರು.