ತಾಲ್ಲೂಕಿನಲ್ಲಿ 8 ಗ್ರಾಮ ಪಂಚಾಯಿತಿಗಳ ವ್ಯಾಪ್ತಿಯಲ್ಲಿ 121 ಗ್ರಾಮಗಳಿದ್ದು ಪ್ರಸ್ತುತ 143 ಕೊಳವೆ ಬಾವಿಗಳು ಕಾರ್ಯನಿರ್ವಹಿಸುತ್ತಿದೆ. ಅದರಲ್ಲಿ ಉಲ್ಲೋಡು ವ್ಯಾಪ್ತಿಯಲ್ಲಿ 18, ಬೀಚಗಾನಹಳ್ಳಿ 22, ವರ್ಲಕೊಂಡ 20, ಸೋಮೇನಹಳ್ಳಿ 30, ತಿರುಮಣಿ 16, ಹಂಪಸಂದ್ರ 22, ಎಲ್ಲೋಡು 20, ದಪ್ಪರ್ತಿ 15 ಕೊಳವೆ ಬಾವಿಗಳಿಂದ ನೀರು ಸರಬರಾಜು ಅಗುತ್ತಿದೆ. ಬರಗಾಲದಲ್ಲಿ ಪ್ರತಿ ವರ್ಷ ಕೊಳವೆ ಬಾವಿಗಳುಬತ್ತಿಹೋಗಿ ಹೊಸದಾಗಿ 50 ಕೊಳವೆ ಬಾವಿಗಳನ್ನು ಕೊರೆಸಬೇಕಾಗಿತ್ತು. ಈಗ ಅಂತರ್ಜಲ ವೃದ್ಧಿಯಿಂದ ಹೊಸ ಕೊಳವೆ ಬಾವಿ ಅವಶ್ಯಕತೆ ಇಲ್ಲ.