ಉದ್ಯೋಗ ಮೇಳ, 73 ಜನ ಆಯ್ಕೆ

ಮೇಳದಲ್ಲಿ 10 ಕಂಪನಿಗಳು ಭಾಗವಹಿಸಿದ್ದವು. ಮೇಳದಲ್ಲಿ ಎಸ್ಸೆಸ್ಸೆಲ್ಸಿ, ಪಿಯುಸಿ, ಐಟಿಐ, ಡಿಪ್ಲೊಮಾ, ಪದವಿ (ಸ್ನಾತಕೋತ್ತರ ಮತ್ತು ಬಿಇ ಪದವಿ ಹೊರತುಪಡಿಸಿ) ಉತ್ತೀರ್ಣರಾದ ಮತ್ತು ಟೈಲರಿಂಗ್ ಅನುಭವವುಳ್ಳ 203 ಜನರು ಭಾಗವಹಿಸಿದ್ದರು. ಈ ಪೈಕಿ 58 ಪುರುಷರು ಮತ್ತು 15 ಮಹಿಳೆಯರು ಸೇರಿ ಒಟ್ಟು 73 ಜನರು ಉದ್ಯೋಗ ಗಿಟ್ಟಿಸಿಕೊಂಡರು.

ಕಾಲೇಜಿನ ಆಡಳಿತಾಧಿಕಾರಿ ಶಿವಜ್ಯೋತಿ, ಉದ್ಯೋಗಾಧಿಕಾರಿ ಎಂ.ಪ್ರಸಾದ್, ಕಾಲೇಜಿನ ಪ್ರಾಂಶುಪಾಲ ಶ್ರೀನಿವಾಸ್ ಮೇಳದಲ್ಲಿ ಹಾಜರಿದ್ದರು.