ಎಸ್‌ಜೆಸಿಐಟಿ: ರಾಷ್ಟ್ರೀಯ ಮೆಮೊರಿ ಚಾಂಪಿಯನ್ ಶಿಪ್‌

ಚಾಂಪಿಯನ್ ಶಿಪ್‌ನಲ್ಲಿ 11ರಿಂದ 14 ವರ್ಷ (ಕಿಡ್ಸ್), 15 ರಿಂದ 18ವರ್ಷ (ಜೂನಿಯರ್) ಮತ್ತು 18 ರಿಂದ 60 ವರ್ಷ ಹೀಗೆ ಮೂರು ವಿಭಾಗಗಳಲ್ಲಿ ಸ್ಪರ್ಧೆ ಆಯೋಜಿಸಲಾಗಿದೆ. ಈ ಸ್ಪರ್ಧೆಯಲ್ಲಿ ಆಯ್ಕೆಯಾಗುವವರು ಅಂತರರಾಷ್ಟ್ರೀಯ ಮೆಮೊರಿ ಚಾಂಪಿಯನ್ ಶಿಪ್‌ನಲ್ಲಿ ಭಾಗವಹಿಸುವ ಅವಕಾಶ ಪಡೆಯಲಿದ್ದಾರೆ.

ಸ್ಪರ್ಧೆಯ ಮೊದಲ ಮೂರು ಸ್ಥಾನ ಗಳಿಸುವ ಸ್ಪರ್ಧಾಗಳುಗಳಿಗೆ ಅನುಕ್ರಮವಾಗಿ ₹1 ಲಕ್ಷ, ₹50 ಸಾವಿರ, ₹25 ಸಾವಿರ ನಗದು ಬಹುಮಾನ ನೀಡಲಾಗುತ್ತದೆ. ಅಂತಿಮ ಫಲಿತಾಂಶ ಭಾನುವಾರ ಪ್ರಕಟವಾಗಲಿದೆ.

ಹೈದರಾಬಾದ್‌ನ ಇಂಡಿಯನ್ ನ್ಯಾಷನಲ್ ಮೆಮೊರಿ ಕೌನ್ಸಿಲ್‌ ಅಧ್ಯಕ್ಷ ಜಯಸಿಂಹ, ಲಂಡನ್‌ನ ವಿಶ್ವ ಮೆಮೊರಿ ಸ್ಪೋರ್ಟ್ಸ್ ಕೌನ್ಸಿಲ್ ಮುಖ್ಯ ತೀರ್ಪುಗಾರ ಫಿಲ್ ಚೆಂಬರ್ಸ್, ಲಂಡನ್‌ನ ವಿಶ್ವ ಮೆಮೊರಿ ಸ್ಪೋರ್ಟ್ಸ್ ಕೌನ್ಸಿಲ್ ಎಥಿಕ್ ಕಮಿಟಿ ಮುಖ್ಯಸ್ಥ ಡಾಮಿನಿಕ್ ಬ್ರಿಯಾನ್, ಆದಿಚುಂಚನಗಿರಿ ಚಿಕ್ಕಬಳ್ಳಾಪುರ ಶಾಖಾ ಮಠದ ಮಂಗಳಾನಂದನಾಥ ಸ್ವಾಮೀಜಿ, ಬಿಜಿಎಸ್‌ ಶಿಕ್ಷಣ ಸಂಸ್ಥೆಗಳ ಆಡಳಿತಾಧಿಕಾರಿ ಎನ್. ಶಿವರಾಮ ರೆಡ್ಡಿ, ಎಸ್‌ಜೆಸಿಐಟಿ ಪ್ರಾಂಶುಪಾಲ ರವಿಕುಮಾರ್ ಕಾರ್ಯಕ್ರಮದಲ್ಲಿ ಭಾಗವಹಿಸಿದ್ದರು.