ಗೌರಿಬಿದನೂರು: ರೈಲಿಗೆ ಸಿಲುಕಿ ಮೂವರು ಸಾವು

50ರಿಂದ 55 ವರ್ಷ ಪ್ರಾಯದ ಪುರುಷ, 45ರಿಂದ 50 ವರ್ಷದ ಮಹಿಳೆ ಮತ್ತು 20ರಿಂದ 25 ವರ್ಷದ ಯುವತಿ ಮೃತಪಟ್ಟಿದ್ದಾರೆ. ವ್ಯಕ್ತಿಯ ಟೀ ಶರ್ಟ್‌ ಮೇಲೆ ‘ವಿನಾಯಕ ಟೈಲರ್ ಗೌರಿಬಿದನೂರು’ ಎನ್ನುವ ಸ್ಟಿಕ್ಕರ್ ಇದೆ.

ರೈಲಿಗೆ ಸಿಕ್ಕ ಮೂವರ ದೇಹ ಮಾಂಸದ ಮುದ್ದೆಯಂತೆ ಆಗಿದ್ದು, ಗುರುತು ಸಿಗುತ್ತಿಲ್ಲ. ಸ್ಥಳದಲ್ಲಿ ಕರಡಿಗೆ ಸಹ ದೊರೆತಿದ್ದು, ಮೃತಪಟ್ಟವರು ಲಿಂಗಾಯತರು ಇರಬಹುದು ಎನ್ನುವ ಸಂಶಯ ರೈಲ್ವೆ ಪೊಲೀಸರಲ್ಲಿದೆ. ಈ ಮೂವರು ಒಂದೇ ಕುಟುಂಬದವರೇ ಅಥವಾ ಬೇರೆ ಕುಟುಂಬದವರೇ ಎನ್ನುವುದು ಖಚಿತವಾಗಿಲ್ಲ ಎಂದು ರೈಲ್ವೆ ಪೊಲೀಸರು ತಿಳಿಸಿದ್ದಾರೆ.

ಚೆಲ್ಲಾಪಿಲ್ಲಿಯಾಗಿ ಬಿದ್ದಿದ್ದ ಮೃತ ದೇಹಗಳನ್ನು ಸಂಗ್ರಹಿಸಿ ಬೆಂಗಳೂರಿನ ‌ಎಂ.ಎಸ್ ರಾಮಯ್ಯ ಆಸ್ಪತ್ರೆಗೆ ರವಾನಿಸಲಾಗಿದೆ.