ಹೊಸಮನೆ ಬಡಾವಣೆ ರಸ್ತೆಯಲ್ಲಿ ಕಸ

ಚಿಕ್ಕಮಳೂರು: ಗಾಳಿಗೆ ಹರಡಿಕೊಂಡ ಪ್ಲಾಸ್ಟಿಕ್, ಪೇಪರ್, ಕಸಕಡ್ಡಿ. ದುರ್ವಾಸನೆ ಬೀರುವ ಕಸದ ರಾಶಿಯಿಂದ ಉಂಟಾದ ಅನೈರ್ಮಲ್ಯದ ದರ್ಶನ ನಗರದ ಹೊಸಮನೆ ಬಡಾವಣೆಯ ಹಳೇ ಆರ್ಟಿಓ ಕಚೇರಿ ರಸ್ತೆಯಲ್ಲಿ ಸಿಗಲಿದೆ.

. ಜಿಲ್ಲಾ ನ್ಯಾಯಾಲಯ, ಜಿಲ್ಲಾಧಿಕಾರಿ ಕಚೇರಿ, ಜಿಲ್ಲಾ ಪೊಲೀಸ್ ಕಚೇರಿ ಹಾಗೂ ಜಿಲ್ಲಾಸ್ಪತ್ರೆಗೆ ಸಂಪರ್ಕ ಕಲ್ಪಿಸುವ ರಸ್ತೆ ಇದಾಗಿದ್ದು, ಇಲ್ಲಿ ನಿತ್ಯ ದುರ್ವಾಸನೆಯಿಂದ ಮೂಗು ಮುಚ್ಚಿಕೊಂಡು ಓಡಾಡುವ ಅನಿವಾರ್ಯತೆ ಈ ಬಡಾವಣೆಯ ಜನರದ್ದಾಗಿದೆ.

. ಹೊಸಮನೆ ಬಡಾವಣೆಯಲ್ಲಿ ಹೆಚ್ಚು ಜನವಸತಿ ಇದ್ದು, ಈ ಮಾರ್ಗದಲ್ಲಿ ಹಳೆಯ ಕಟ್ಟಡ ಇದೆ. ಇಲ್ಲಿ ಯಾರು ವಾಸವಿಲ್ಲದ ಕಾರಣ ಈ ಬಡಾವಣೆಯ ಜನರು ಇಲ್ಲಿಗೆ ಕಸ ತಂದು ಸುರಿಯುತ್ತಾರೆ ಎಂದು ಇಲ್ಲಿನ ಸ್ಥಳೀಯರ ಆರೋಪವಾಗಿದೆ.

. ಮನೆ ಬಾಗಿಲಿಗೆ ಸಮಯಕ್ಕೆ ಸರಿಯಾಗಿ ಕಸದ ವಾಹನ ಬಂದರೂ ಇಲ್ಲಿನ ನಿವಾಸಿಗಳು ಈ ಪ್ರದೇಶಕ್ಕೆ ಕಸ ತಂದು ಸುರಿಯುತ್ತಿದ್ದಾರೆ. ಪ್ಲಾಸ್ಟಿಕ್, ಪೇಪರ್, ಮನೆ ತ್ಯಾಜ್ಯ, ಹೂವು ತೋಟದ ಕಸ, ಹಳೆಯ ಬಟ್ಟೆ, ಅನುಪಯುಕ್ತ ವಸ್ತುಗಳನ್ನು ಇಲ್ಲಿ ತಂದು ರಾಶಿ ಹಾಕುತ್ತಿದ್ದಾರೆ. ನಿತ್ಯ ರಾತ್ರಿ ವೇಳೆ ಇಲ್ಲಿ ಮನೆಯ ತ್ಯಾಜ್ಯವನ್ನು ಬಿಸಾಡಲಾಗುತ್ತದೆ. ಆಹಾರ ಹರಸಿ ಬರುವ ಬೀದಿ ನಾಯಿಗಳು ಇಲ್ಲಿ ಬೀಡುಬಿಟ್ಟು ವಾಸದ ಸ್ಥಾನವಾಗಿ ಮಾಡಿಕೊಂಡಿವೆ. ಅನೇಕ ಬಾರಿ ಈ ಮಾರ್ಗದಲ್ಲಿ ಪದಾಚಾರಿಗಳನ್ನು ಹಾಗೂ ಬೈಕ್ ಸವಾರರನ್ನು ಬೀದಿನಾಯಿಗಳು ಬೆನ್ನಟ್ಟಿದ ಪರಿಣಾಮ ಆಯತಪ್ಪಿ ಬಿದ್ದ ಉದಾಹರಣೆಗಳು ಇವೆ.

. ನಿತ್ಯ ಇದೇ ಮಾರ್ಗವಾಗಿ ಶಾಲಾ, ಕಾಲೇಜುಗಳ ವಿದ್ಯಾರ್ಥಿಗಳು ನಗರಕ್ಕೆ ತೆರಳುತ್ತಾರೆ. ಆದರೆ ಕಸದ ರಾಶಿಯ ದುರ್ವಾಸನೆ ಈ ಮಾರ್ಗದಲ್ಲಿ ಸಂಚಾರ ಮಾಡುವವರಿಗೆ ಕಿರಿಕಿರಿ ಉಂಟುಮಾಡುತ್ತಿದೆ. ಕಳೆದ ಮೂರ್ನಾಲ್ಕು ದಿನಗಳಿಂದ ನಗರದಲ್ಲಿ ಸಾಧಾರಣ ಮಳೆಯಾಗುತ್ತಿದ್ದು, ಕಸ ಮಳೆಯಲ್ಲಿ ಒದ್ದೆಯಾಗಿ ಮತ್ತಷ್ಟು ದುರ್ವಾಸನೆ ಹೆಚ್ಚಾಗಿದೆ. ಪ್ಲಾಸ್ಟಿಕ್, ಪೇಪರ್, ಬಟ್ಟೆಗಳು ಗಾಳಿಯಲ್ಲಿ ಸೇರಿ ರಸ್ತೆಯ ತುಂಬೆಲ್ಲ ಹರಡಿಕೊಂಡಿದೆ. ಇದರಿಂದ ಬಡಾವಾಣೆಯ ಸೌಂದರ್ಯ ಮತಷ್ಟು ಮಲೀನವಾಗಿದೆ. ಕೂಡಲೇ ನಗರಸಭೆ ಕಸ ವಿಲೇವಾರಿ ಮಾಡಬೇಕು ಎಂಬುದು ಸ್ಥಳೀಯರ ಒತ್ತಾಯವಾಗಿದೆ.

. ಮೂಲತಃ ಪ್ರಜಾವಾಣಿ ಮುದ್ರಣ ಆವೃತ್ತಿಯಿಂದ ಇದನ್ನು ಪಡೆಯಲಾಗಿದೆ. ಎಐ ನೆರವಿನ ವರ್ಗೀಕರಣದಿಂದಾಗಿ ವಿಭಾಗ ಮತ್ತು ಬಳಸಿರುವ ಪ್ರಾತಿನಿಧಿಕ ಚಿತ್ರ ತಪ್ಪಾಗಿರಬಹುದು. ಸುದ್ದಿಯ ವಿಷಯದಲ್ಲಿ ಯಾವುದೇ ಬದಲಾವಣೆ ಇಲ್ಲ 260405-126-1373335842

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಹೊಸಮನೆ ಬಡಾವಣೆ ರಸ್ತೆಯಲ್ಲಿ ಕಸ

ಚಿನಕುರುಳಿ ಕಾರ್ಟೂನು: ಮಂಗಳವಾರ, 14 ಏಪ್ರಿಲ್ 2026

ಗುಂಡಣ್ಣ ಕಾರ್ಟೂನು: ಮಂಗಳವಾರ 14 ಏ‍ಪ್ರಿಲ್ 2026

ಯಾವುದೇ ರಾಷ್ಟ್ರಕ್ಕೆ ತೈಲ ಮಾರಾಟ ಮಾಡಲು ಸಿದ್ಧ: ಭಾರತಕ್ಕೆ ಇರಾನ್

ಸುದ್ದಿ ಗುದ್ದು | ತಿಂಗಳೇಶ: ಮಂಗಳವಾರ, 14 ಏಪ್ರಿಲ್ 2026

ಐಪಿಎಲ್: ಜಯದ ಓಟದತ್ತ ಆರ್‌ಸಿಬಿ ನೋಟ

ಸನ್‌ರೈಸರ್ಸ್‌ಗೆ ಕಾರ್ಸ್‌ ಬದಲು ಮಧುಶಂಕ

ಫೈನಲ್‌ಗೆ ರಾಜ್ಯ ಬಾಲಕಿಯರ ತಂಡ

ಯಾರ್ಕರ್‌ಗಳು ನನ್ನ ಅಸ್ತ್ರ: ಪ್ರಫುಲ್‌

ಒಳನೋಟ: ಗಿಗ್‌ ಕಾರ್ಮಿಕರದ್ದು ಬಗೆದಷ್ಟೂ ಬವಣೆ

ಒಳನೋಟ: ಬದುಕು ನುಂಗಿದ ಕೊಪ್ಪಳದ ಕರಿದೂಳು– ಇದು ವಾಯುಮಾಲಿನ್ಯದ ಆಘಾತಕಾರಿ ಅವಾಂತರ!

ಒಳನೋಟ: ಕುದುರೆಮುಖ ರಾಷ್ಟ್ರೀಯ ಉದ್ಯಾನದ ಕಾಡಂಚಿನ ಜನರ ನಿತ್ಯ ರೋದನ

ಒಳನೋಟ: ಸಾಯುತ್ತಿರುವ ಜೀವ ನದಿಗಳು!

ಚಿನಕುರುಳಿ ಕಾರ್ಟೂನು: ಮಂಗಳವಾರ, 14 ಏಪ್ರಿಲ್ 2026

ಗುಂಡಣ್ಣ ಕಾರ್ಟೂನು: ಮಂಗಳವಾರ 14 ಏ‍ಪ್ರಿಲ್ 2026

ಯಾವುದೇ ರಾಷ್ಟ್ರಕ್ಕೆ ತೈಲ ಮಾರಾಟ ಮಾಡಲು ಸಿದ್ಧ: ಭಾರತಕ್ಕೆ ಇರಾನ್

ಸುದ್ದಿ ಗುದ್ದು | ತಿಂಗಳೇಶ: ಮಂಗಳವಾರ, 14 ಏಪ್ರಿಲ್ 2026