ಪತ್ನಿ– ಮಕ್ಕಳನ್ನು ಬಂಧನದಿಂದ ಬಿಡಿಸಿಕೊಡಲು ಮನವಿ

7

ಪತ್ನಿ– ಮಕ್ಕಳನ್ನು ಬಂಧನದಿಂದ ಬಿಡಿಸಿಕೊಡಲು ಮನವಿ

Published:
Updated:

ಬಾಳೆಹೊನ್ನೂರು: ಪತ್ನಿ ಹಾಗೂ ಇಬ್ಬರು ಮಕ್ಕಳನ್ನು ಜೇನುಗದ್ದೆ ಸಮೀಪದ ಖಾಸಗಿ ಎಸ್ಟೇಟ್ ಮಾಲೀಕರು ಅಕ್ರಮವಾಗಿ ಬಂಧನದಲ್ಲಿರಿಸಿದ್ದು, ಅವರನ್ನು ಬಿಡಿಸಿಕೊಡುವಂತೆ ಕೋರಿ ಮೂಡಿಗೆರೆ ತಾಲ್ಲೂಕಿನ ತತ್ಕೊಳ ಗ್ರಾಮದ ಗೋಪಾಲ್ ಎಂಬುವರು ಗೃಹಮಂತ್ರಿ ಹಾಗೂ ಪೊಲೀಸ್ ಹಿರಿಯ ಅಧಿಕಾರಿಗಳಿಗೆ ದೂರು ನೀಡಿದ್ದಾರೆ.

‘ಜುಲೈ 16ರಂದು ಬಾಳೆಹೊನ್ನೂರು ಪೊಲೀಸರು ಮನೆಯಿಂದ ನನ್ನನ್ನು ಹಾಗೂ ಪತ್ನಿಯನ್ನು ಬಲಾತ್ಕಾರವಾಗಿ ಕರೆದುಕೊಂಡು ಹೋಗಿ ಹಲ್ಲೆ ನಡೆಸಿ ಜೇನುಗದ್ದೆಯ ಖಾಸಗಿ ಎಸ್ಟೇಟ್ ಮಾಲೀಕರಿಗೆ ಹಣ ನೀಡುವಂತೆ ಒತ್ತಾಯಿಸಿದ್ದಾರೆ. ನಂತರ ಪೊಲೀಸರು ನಮ್ಮನ್ನು ಜೇನುಗದ್ದೆಯ ಎಸ್ಟೇಟ್ ಮಾಲೀಕರಿಗೆ ಒಪ್ಪಿಸಿದರು. ಖಾಸಗಿ ಎಸ್ಟೇಟ್ ಮಾಲೀಕರು ಗುರುವಾಯ ನಕೆರೆಯಲ್ಲಿ ಓದುತ್ತಿರುವ ನನ್ನ ಮಕ್ಕಳ ಹಾಸ್ಟೆಲ್‌ಗೆ ಹೋಗಿ, ಇಬ್ಬರು ಮಕ್ಕಳನ್ನು ಕರೆದುಕೊಂಡು ಬಂದು ಅವರನ್ನು ಎಸ್ಟೇಟ್‌ನಲ್ಲಿ ಅಕ್ರಮವಾಗಿ ಗೃಹಬಂಧನದಲ್ಲಿರಿಸಿದ್ದಾರೆ. ಅಲ್ಲದೆ ಪೊಲೀಸರು ಜಾತಿ ನಿಂದನೆ ನಡೆಸಿದ್ದು ಅವರ ವಿರುದ್ಧ ಕ್ರಮ ಕೈಗೊಳ್ಳಬೇಕು. ಗೃಹಬಂಧನದಲ್ಲಿರುವ ಪತ್ನಿ ಹಾಗೂ ಮಕ್ಕಳನ್ನು ಬಿಡಿಸಿಕೊಡಬೇಕು’ ಎಂದು ಕೋರಿ ಗೋಪಾಲ್ ಅರ್ಜಿ ಸಲ್ಲಿಸಿದ್ದಾರೆ.

ಹಣ ಪಡೆದು ತಪ್ಪಿಸಿಕೊಂಡಿದ್ದ: ಗೋಪಾಲ್ ಜೇನುಗದ್ದೆಯ ಖಾಸಗಿ ಎಸ್ಟೇಟ್ ಮಾಲೀಕರಿಂದ ₹2.40 ಲಕ್ಷ ಸಾಲ ಪಡೆದು ತಲೆಮರೆಸಿ ಕೊಂಡಿದ್ದರು. ಈ ಹಿನ್ನೆಲೆಯಲ್ಲಿ ಎಸ್ಟೇಟ್ ಮಾಲೀಕರು ಠಾಣೆಗೆ ದೂರು ನೀಡಿದ್ದರು.

ಗೋಪಾಲ್ ಅವರನ್ನು ಕರೆತಂದು ದೂರುದಾರರ ಎದುರಿನಲ್ಲೇ ವಿಚಾರಣೆ ನಡೆಸಿದಾಗ ಹಣ ಪಡೆದಿದ್ದು ನಿಜ ಎಂದು ಒಪ್ಪಿ, ಎಸ್ಟೇಟ್‌ನಲ್ಲೇ ಕೆಲಸ ಮಾಡುವುದಾಗಿ ತಿಳಿಸಿ ಅವರೊಂದಿಗೆ ತೆರಳಿದ್ದರು. ಈ ಬಗ್ಗೆ ಅವರ ಹೇಳಿಕೆಯನ್ನು ದಾಖಲಿಸಲಾಗಿದ್ದು ಪೊಲೀಸರು ಯಾವುದೇ ದೌರ್ಜನ್ಯ ನಡೆಸಿಲ್ಲ ಎಂದು ಪೊಲೀಸ್ ಮೂಲಗಳು ದೃಢಪಡಿಸಿವೆ.

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry

Comments:

0 comments

Write the first review for this !