ದಯಾನಂದ ನಾಯಕರ ಜೀವನ ಹಲವರಿಗೆ ಮಾದರಿ: ಹಿರೇಮಗಳೂರು ಕಣ್ಣನ್

ಈ ಸಂದರ್ಭದಲ್ಲಿ ಮಾತನಾಡಿದ ಹಿರೆಮಗಳೂರು ಕಣ್ಣನ್, ‘ಮನುಷ್ಯನಲ್ಲಿ ಸಮಾಜ ಕಟ್ಟುವ ಸುಗುಣಗಳಿರಬೇಕು. ರಾಮನ ಆದರ್ಶ ಪರಂಪರೆ ಇರಬೇಕು. ಮತ್ಸರ ಬಿಟ್ಟು ಸಮಾಜ ಬೆಳೆಸಬೇಕು ಎನ್ನುವ ಮೂಲಕ ದಯಾನಂದ ನಾಯಕರು ಅನೇಕ ನಾಯಕರನ್ನು ಹುಟ್ಟು ಹಾಕಿದರು. ಅವರ  ಜೀವನ ಹಲವರಿಗೆ ಮಾದರಿ’ ಎಂದರು.

ವಿಧಾನಪರಿಷತ್ ಉಪ ಸಭಾಪತಿ ಎಂ.ಕೆ. ಪ್ರಾಣೇಶ್ ಮಾತನಾಡಿ. ‘ಉಳ್ಳಾಲದಿಂದ ವ್ಯಾಪಾರಕ್ಕಾಗಿ ಮೂಡಿಗೆರೆಗೆ ಬಂದವರು, ತಮ್ಮ ದುಡಿಮೆಯಲ್ಲಿ ಅಲ್ಪಪ್ರಮಾಣ ಉಳಿಸಿಕೊಂಡು ಉಳಿದೆಲ್ಲವನ್ನು ಸಮಾಜಕ್ಕೆ ದಾನ ಮಾಡಿದರು. ರಾಜಕಾರಣದಲ್ಲಿ ವೈಯಕ್ತಿಕ ಬೇಡ ನಿಃಸ್ವಾರ್ಥವಾಗಿ ಬದುಕೋಣ ಎಂದು ತೋರಿಸಿಕೊಟ್ಟಿದ್ದರು’ ಎಂದರು.

ಮಾಜಿ ಸಚಿವ ಬಿ.ಎಲ್. ಶಂಕರ್ ಮಾತನಾಡಿ, ‘ದಯಾನಂದ ನಾಯಕರು ಸಂಘಟನೆಗಾಗಿ ದುಡಿದವರು. ಎಂದಿಗೂ ರಾಜಕೀಯ ಸ್ಥಾನಮಾನಗಳಿಗೆ ಅಸೆಪಟ್ಟವರಲ್ಲ’ ಎಂದರು.

ಸೀತಾರಾಮ್ ಕೇದಿಲಾಯ, ಕಾಸ ನಿರ್ಮಲ್ ಕುಮಾರ್, ಸುಮತಿ ದಯಾನಂದ ನಾಯಕ್, ಎಂ.ಆರ್. ಜಗದೀಶ್, ಎನ್.ಎಲ್. ಸುಂದರೇಶ್ವರ್, ಎಂ.ಜಿ. ದಿನೇಶ್, ಕೆಂಜಿಗೆ ಕೇಶವ್, ಪ್ರಶಾಂತ್ ಚಿಪ್ರಗುತ್ತಿ, ದೀಪಕ್ ದೊಡ್ಡಯ್ಯ, ಜೈರಾಂ ಬಿದ್ರಹಳ್ಳಿ, ಸುಂದರೇಶ್ ಕೊಣಗೆರೆ, ಮನಮೋಹನ್, ಜಗದೀಪ್, ಸುರೇಶ್ ಇದ್ದರು.