ಕೊಪ್ಪ | ‘ಧ್ವಜ ಸಂಹಿತೆ’ ಉಲ್ಲಂಘನೆ: ಆಕ್ಷೇಪ

ಗುರುವಾರ ಸುದ್ದಿಗೋಷ್ಠಿಯಲ್ಲಿ ಅವರು ಮಾತನಾಡಿ, ‘ಧ್ವಜಕ್ಕೆ ಬಳಸಿದ ಬಟ್ಟೆಯೂ ಗುಣಮಟ್ಟದಿಂದ ಕೂಡಿಲ್ಲ, ಬಣ್ಣಗಳೂ ಕ್ರಮಬದ್ಧವಾಗಿಲ್ಲ. ಕೇಸರಿ, ಬಿಳಿ, ಹಸಿರು ಜತೆಗೆ ಸುತ್ತಲೂ ಬಿಳಿ ಪಟ್ಟಿ ಇದೆ ಈ ಮೂಲಕ ರಾಷ್ಟ್ರಧ್ವಜಕ್ಕೆ ಅಗೌರವ ತೋರಲಾಗಿದೆ. ಪ್ರತಿ ಮನೆಯಲ್ಲೂ ರಾಷ್ಟ್ರ ಧ್ವಜ ಹಾರಿಸುವಂತೆ ಸರ್ಕಾರ ಆದೇಶಿಸಿದೆ. ಅದರಂತೆ ಗ್ರಾಮ ಪಂಚಾಯಿತಿಯಲ್ಲಿ ಧ್ವಜವೊಂದಕ್ಕೆ ₹38 ರಂತೆ ಮಾರಾಟ ಮಾಡಲಾಗುತ್ತಿದೆ’ ಎಂದರು.

‘ಆದೇಶ ಪ್ರತಿಯಲ್ಲಿ ಧ್ವಜ ಸಂಹಿತೆ ಉಲ್ಲಂಘಿಸಿದವರಿಗೆ ಶಿಕ್ಷೆಗೆ ಒಳಪಡಿಸಲಾಗುವುದು ಎಂದು ಉಲ್ಲೇಖಿಸಲಾಗಿದೆ. ಕೂಲಿ ಕಾರ್ಮಿಕನೊಬ್ಬ ಮನೆಯಲ್ಲಿ ಧ್ವಜ ಹಾರಿಸಿ, ಕೆಲಸಕ್ಕೆ ಹೋದಾಗ ಆಕಸ್ಮಿಕವಾಗಿ ಏನಾದರೂ ಧ್ವಜಕ್ಕೆ ಅಪಮಾನವಾದರೆ, ಅದರ ಬಗ್ಗೆ ಅರಿವಿರದ ಕೂಲಿ ಕಾರ್ಮಿಕ ಶಿಕ್ಷೆಗೆ ಒಳಗಾಗುತ್ತಾನೆ ಎಂಬ ಆತಂಕ ಎದುರಾಗಿದೆ’ ಎಂದು ತಿಳಿಸಿದರು.

‘ಮನೆ ಇಲ್ಲದವರಿಗೆ ಮನೆ ನಿರ್ಮಿಸಿಕೊಡುವುದು ಅಥವಾ ಮೂಲಭೂತ ಸೌಕರ್ಯ ಕಲ್ಪಿಸುವ ಮೂಲಕ ಸ್ವಾತಂತ್ರ್ಯ ಅಮೃತ ಮಹೋತ್ಸವವನ್ನು ಅರ್ಥವತ್ತಾಗಿ ಆಚರಿಸಬಹುದಿತ್ತು. ರಾಷ್ಟ್ರ ಧ್ವಜವನ್ನು ಮಾರಾಟ ಮಾಡುವಂತಹ ಪರಿಸ್ಥಿತಿ ಬರಬಾರದಿತ್ತು’ ಎಂದ ಅವರು, ಧ್ವಜದಲ್ಲಿ ಬಿಳಿ ಪಟ್ಟಿ ಇರುವುದನ್ನು ಪ್ರದರ್ಶಿಸಿದರು.

ಮುಖಂಡರಾದ ಬರ್ಕತ್ ಆಲಿ, ಹೊಂಚಿಕೊಳಲು ದಿನೇಶ್ ಇದ್ದರು.