ಗುಡ್ಡದ ಮಣ್ಣು ಕುಸಿತ; ಸಂಚಾರಕ್ಕೆ ಅಡಚಣೆ

7
ಬಾಬಾಬುಡನ್‌ಗಿರಿ ಶ್ರೇಣಿ ಮಾರ್ಗ

ಗುಡ್ಡದ ಮಣ್ಣು ಕುಸಿತ; ಸಂಚಾರಕ್ಕೆ ಅಡಚಣೆ

Published:
Updated:
Deccan Herald

ಚಿಕ್ಕಮಗಳೂರು: ಕಾಫಿನಾಡಿನಲ್ಲಿ ಮಳೆ ಮುಂದುವರಿದಿದ್ದು, ಗುರುದತ್ತಾತ್ರೇಯ ಬಾಬಾಬುಡನ್‌ಸ್ವಾಮಿ ದರ್ಗಾ ಮಾರ್ಗದಲ್ಲಿ ಗುಡ್ಡದ ಮಣ್ಣು ರಸ್ತೆಗೆ ಅಡ್ಡಲಾಗಿ ಕುಸಿದಿದ್ದು ಈ ರಸ್ತೆಯಲ್ಲಿ ಸೋಮವಾರ ಸಂಚಾರ ಬಂದ್ ಆಗಿತ್ತು.

ಗಿರಿಶ್ರೇಣಿಯ ಚನ್ನಗೊಂಡನಹಳ್ಳಿ ಬಳಿ ನಸುಕಿನಲ್ಲಿ ಗುಡ್ಡದ ಮಣ್ಣು ಕುಸಿದು ರಸ್ತೆಗೆ ಬಿದ್ದಿದೆ. ಜೆಸಿಬಿ ಬಳಸಿ ಮಣ್ಣು ತೆರವು ಕಾರ್ಯಚರಣೆ ಮುಂದುವರಿದಿತ್ತು. ಕೈಮರ ಚೆಕ್‌ಪೋಸ್ಟ್‌ನಲ್ಲಿ ಬ್ಯಾರಿಕೇಡ್‌ ಹಾಕಿ ವಾಹನ ಸಂಚಾರ ನಿರ್ಬಂಧಿಸಲಾಗಿತ್ತು.

ವಾಹನ ಸಂಚಾರ ನಿರ್ಬಂಧಿಸಿದ್ದರಿಂದ ಮುಳ್ಳಯ್ಯನಗಿರಿ, ಬಾಬಾಬುಡನ್‌ಗಿರಿ ತಾಣ ವೀಕ್ಷಣೆಗಾಗಿ ಬಂದಿದ್ದ ಪ್ರವಾಸಿಗರು ಕೈಮರ ಚೆಕ್‌ಪೋಸ್ಟ್‌ನಿಂದ ವಾಪಸಾದರು. ಅರ್ಧ ದಾರಿಯಲ್ಲಿದ್ದ ವಾಹನಗಳನ್ನು ವಾಪಸ್‌ ಕಳಿಸಲಾಯಿತು.

‘ಮಳೆಗೆ ಇನ್ನು ಕೆಲವು ಕಡೆಗಳಲ್ಲಿ ಗುಡ್ಡದ ಮಣ್ಣು ಕುಸಿಯುವ,ಸುಳಿವುಗಳಿವೆ. ಕೆಲವು ಕಡೆ ಮಣ್ಣು ರಸ್ತೆ ಬದಿಯ ಚರಂಡಿಗೆ ಕುಸಿದಿದೆ. ಮಳೆಯಿಂದಾಗಿ ಕೆಲವು ಕಡೆಗಳಲ್ಲಿ ರಸ್ತೆ ಕೊರಕಲಾಗಿದೆ’ ಎಂದು ಸ್ಥಳೀಯ ಚಂದ್ರಪ್ಪ ‘ಪ್ರಜಾವಾಣಿ’ಗೆ ತಿಳಿಸಿದರು.

ಮಲೆನಾಡು ಭಾಗದಲ್ಲಿ ಮಳೆಯ ಅಬ್ಬರ ಜಾಸ್ತಿ ಇದೆ. ಹೇಮಾವತಿ, ತುಂಗಾ, ಭದ್ರಾ ನದಿಗಳು ಮೈದುಂಬಿಕೊಂಡು ಹರಿಯುತ್ತಿವೆ.

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry

Comments:

0 comments

Write the first review for this !