ಕಡೂರು: 309 ಎಕರೆ ಅರಣ್ಯ ಒತ್ತುವರಿ

ಕೆಲವು ದಿನಗಳ ಹಿಂದೆ ಅಧಿಕಾರಿಯೊಬ್ಬರು 10 ಎಕರೆ ಅರಣ್ಯ ಜಮೀನು ಅಕ್ರಮಿಸಿಕೊಂಡು ಅಲ್ಲಿ ಮನೆ, ಕೊಳ, ಕುರಿ ಸಾಕಾಣಿಕೆ ಶೆಡ್ ನಿರ್ಮಿಸಿಕೊಂಡಿದ್ದರು. ಅರಣ್ಯ ಇಲಾಖೆ ಅಧಿಕಾರಿಗಳು ಎಲ್ಲವನ್ನು ತೆರವುಗೊಳಿಸಿ 4 ಎಕೆರೆ ವಶಕ್ಕೆ ಪಡೆದಿದ್ದರು.

ಅರಣ್ಯ ಇಲಾಖೆಯ ಒತ್ತುವರಿ ತೆರವು ಕಾರ್ಯಾಚರಣೆ ಮೊದಲ ಹಂತದಲ್ಲಿ 30 ಎಕರೆಗಿಂತ ಹೆಚ್ಚು ಒತ್ತುವರಿ, ಎರಡನೇ ಹಂತದಲ್ಲಿ 10 ಎಕರೆ ಮತ್ತು ಮೂರನೇ ಹಂತದಲ್ಲಿ 5 ಎಕರೆಗಿಂತ ಹೆಚ್ಚಿನ ಒತ್ತುವರಿ ತೆರವುಗೊಳಿಸುವ ಕಾರ್ಯಸೂಚಿಯಿದೆ.

ಕಡೂರು ಪಟ್ಟಣಕ್ಕೆ ಸ್ವಲ್ಪ ದೂರದಲ್ಲಿ ರಾಜ್ಯ ಹೆದ್ದಾರಿ ಪಕ್ಕದಲ್ಲೆ ಅರಣ್ಯ ಇಲಾಖೆಯ 24 ಹೆಕ್ಟೇರ್ ಜಾಗ ಇದೆ. ಈ ಜಾಗ ಬಹುತೇಕ ಒತ್ತುವರಿಯಾಗಿದೆ. ಈ ಜಾಗವನ್ನು ತೆರವುಗೊಳಿಸುವ ಕಾರ್ಯವಾಗಿಲ್ಲ.

ಅರಣ್ಯ ಇಲಾಖೆ ಒತ್ತುವರಿ ಗುರುತಿಸಿರುವ ಪಟ್ಟಿಯಲ್ಲಿ ಈ ಜಾಗದ ಪ್ರಸ್ತಾಪವೇ ಇಲ್ಲ. ಈ ಜಾಗ ಅರಣ್ಯ ಇಲಾಖೆಗೆ ಸೇರಿದೆ ಎಂಬ ಮಾಹಿತಿ ಇಲಾಖೆಗೇ ಇಲ್ಲ. ಈ ಜಾಗದಲ್ಲಿ ಒತ್ತುವರಿ ಮಾಡಿದ್ದ ಕೆಲವರು ಜಾಗವನ್ನು ಮತ್ತೊಬ್ಬರಿಗೆ ಮಾರಾಟ ಮಾಡಿದ್ದಾರೆ.

ಖರೀದಿ ಮಾಡಿದವರು ಯಾವ ಆಧಾರದ ಮೇಲೆ ಖರೀದಿಸಿದ್ದಾರೆ ಎಂಬುದೇ ಅರ್ಥವಾಗದ ವಿಚಾರ. ಅಲ್ಲಿ ಅಡಿಕೆ ಗಿಡಗಳನ್ನು ಬೆಳೆದಿದ್ದಾರೆ. ಕೊಳವೆ ಬಾವಿಗಳನ್ನು ಕೊರೆಸಿ ವಿದ್ಯುತ್ ಸಂಪರ್ಕವನ್ನೂ ಪಡೆದಿದ್ದಾರೆ ಎಂದು ಸ್ಥಳೀಯರು ಹೇಳುತ್ತಾರೆ. ಕಡೂರು ಅರಣ್ಯ ವಲಯದಲ್ಲಿರುವ ಇಡೀ ಅರಣ್ಯ ಭೂಮಿಯನ್ನು ಸರ್ವೆ ಮಾಡಿಸಿ, ಒತ್ತುವರಿ ಪ್ರಮಾಣ ಗುರುತಿಸಿ ಅದನ್ನು ತೆರವುಗೊಳಿಸುವ ಕಾರ್ಯವಾಗಬೇಕು ಎಂಬುದು ಸ್ಥಳೀಯರ ಒತ್ತಾಯ.

ಎಫ್.ಐ.ಆರ್‌. ದಾಖಲೆ ವಿವರ ಪ್ರದೇಶ;

ಪ್ರಕರಣ; ವಿಸ್ತೀರ್ಣ ಎಮ್ಮೆದೊಡ್ಡಿ; 58;178.20 ಎಕರೆ ಸಖರಾಯಪಟ್ಟಣ; 24; 46.3 ಎಕರೆ ಯಗಟಿ; 18; 58.19 ಎಕರೆ ಬೀರೂರು; 13; 22.29 ಎಕರೆ ತಂಗಲಿ ಮತ್ತು ಸಿಂಗಟಗೆರೆ; 5 ; 10 ಎಕರೆ