ಏಳಿಗೆ ಸಹಿಸದೆ ಬಿಜೆಪಿ ಹುನ್ನಾರ: ಕಾಂಗ್ರೆಸ್ ನಾಯಕಿ ಬಿ.ಸಿ.ಗೀತಾ ಕಿಡಿ

ಪಟ್ಟಣದ ಜೇಸಿ ವೃತ್ತದಲ್ಲಿ ಹೋಬಳಿ ಕಾಂಗ್ರೆಸ್ ಘಟಕ ಹಮ್ಮಿಕೊಂಡಿದ್ದ ಪ್ರತಿಭಟನೆಯಲ್ಲಿ ಮಾತನಾಡಿದ ಅವರು, ‘ಸಿದ್ದರಾಮಯ್ಯ ಅವರು ಎಂದಿಗೂ ವೈಯಕ್ತಿಕ ಬದುಕಿನಲ್ಲಿ ಭ್ರಷ್ಟಾಚಾರ ನಡೆಸಿದವರಲ್ಲ. ಅವರು ಇಂತಹ ಆಪಾದನೆಗಳಿಗೆ ಹೆದರಿ ಎಂದೂ ರಾಜೀನಾಮೆ ನೀಡುವುದಿಲ್ಲ. ವಿರೋಧ ಪಕ್ಷಗಳಿಗೆ ಜನಪರ ಆಡಳಿತ ಕಂಡು ಹೊಟ್ಟೆಉರಿಯುತ್ತಿದೆ. ಈ ನಿಟ್ಟಿನಲ್ಲಿ ಸಿಎಂ ಅವರನ್ನು ಈ ಪ್ರಕರಣದಲ್ಲಿ ಸಿಲುಕಿಸಲು ಯತ್ನಿಸುತ್ತಿವೆ’ ಎಂದು ಆಪಾದಿಸಿದರು.

ಜೇಸಿ ವೃತ್ತದಲ್ಲಿ ಮಾನವ ಸರಪಳಿ ನಿರ್ಮಿಸಿ ವಾಹನ ತಡೆದು ಪ್ರತಿಭಟನೆ ನಡೆಸಿದರು. ಹೋಬಳಿ ಕಾಂಗ್ರೆಸ್ ಅಧ್ಯಕ್ಷ ಮಹಮ್ಮದ್ ಹನೀಫ್, ಕ್ಷೇತ್ರ ಯುವ ಕಾಂಗ್ರೆಸ್ ಮಾಜಿ ಅಧ್ಯಕ್ಷ ಬಿ.ಸಿ.ಸಂತೋಷ್ ಕುಮಾರ್, ಬಿ.ಕಣಬೂರು ಗ್ರಾಮ ಪಂಚಾಯಿತಿ ಅಧ್ಯಕ್ಷ ಸದಾಶಿವ, ಸದಸ್ಯರಾದ ಬಿ.ಕೆ.ಮಧುಸೂದನ, ಇಬ್ರಾಹಿಂ ಶಾಫಿ, ಜಾನ್ ವಿಲ್ಪ್ರೇಡ್ ಡಿಸೋಜ, ಎಂ.ಎಸ್.ಅರುಣೇಶ್, ಬೆಂಗಳೂರಿನ ಕಾಫಿ ಗಿರೀಶ್, ಹಿರಿಯಣ್ಣ, ತಾಲ್ಲೂಕು ಅಧ್ಯಕ್ಷ ಗೇರ್ ಬೈಲ್ ನಟರಾಜ, ಪ್ರವೀಣ್ ಗೇರ್ ಬೈಲ್, ಇಪ್ತಿಖಾರ್ ಆದಿಲ್, ಗೌತಮ್ ಕಾನ್ಕೆರೆ, ನವೀನ್ ಇದ್ದರು.