ಮಾರುಕಟ್ಟೆಗೆ ಕಾಫಿ ಬಾರದ ಕಾರಣ ಕಾಫಿಗೆ ಅದರಲ್ಲೂ, ಪಾರ್ಚ್ಮೆಂಟ್ಗೆ ದರ ಏರಿಕೆ ಕಂಡಿದೆ. ಒಂದು ವಾರದಲ್ಲಿ ಅರೇಬಿಕಾ ಪಾರ್ಚ್ಮೆಂಟ್ ಹಾಗೂ ರೊಬಾಸ್ಟಾ ಪಾರ್ಚ್ಮೆಂಟ್ ಕಾಫಿಗಳೆರಡೂ ಬೆಲೆ ಏರಿಕೆ ಕಂಡಿವೆ. ಅರೇಬಿಕಾ ಪಾರ್ಚ್ಮೆಂಟ್ ಒಂದು ವಾರದಲ್ಲಿ 50 ಕೆ.ಜಿ. ಚೀಲಕ್ಕೆ ₹300 ಏರಿಕೆ ಕಂಡಿದ್ದರೆ, ರೊಬಾಸ್ಟಾ ಪಾರ್ಚ್ಮೆಂಟ್ ಒಂದು ವಾರದಲ್ಲಿ ₹ 100 ಏರಿಕೆ ಕಂಡಿದೆ. ಅರೇಬಿಕಾ, ರೊಬಾಸ್ಟಾ ಚೆರಿಗಳೆರಡೂ ಬೆಲೆಯಲ್ಲಿ ಸ್ಥಿರವಾಗಿದ್ದರೂ, ರೊಬಾಸ್ಟಾ ಚೆರಿಯು ₹ 5,000ದ ಗಡಿಯಲ್ಲಿರುವುದು ಉತ್ತಮ ಬೆಲೆಯಾಗಿದೆ. ಆದರೂ ಸಾಗಣೆ ಸಮಸ್ಯೆಯಿಂದ ಉತ್ತಮ ದರವಿದ್ದರೂ ಕಾಫಿಯನ್ನು ಮಾರುಕಟ್ಟೆಗೆ ತರಲಾಗುತ್ತಿಲ್ಲ ಎಂಬುದು ಬೆಳೆಗಾರರ ಅಳಲಾಗಿದೆ.