ಜನವರಿ 5ರಿಂದ ಜಾಗೃತಿ ಸಮ್ಮೇಳನ, ಪಟ್ಟಾಧಿಕಾರ ಮಹೋತ್ಸವ

7
ಚಿತ್ರದುರ್ಗದ ಮಾಚಿದೇವ ಮಹಾಸಂಸ್ಥಾನ ಮಠ

ಜನವರಿ 5ರಿಂದ ಜಾಗೃತಿ ಸಮ್ಮೇಳನ, ಪಟ್ಟಾಧಿಕಾರ ಮಹೋತ್ಸವ

Published:
Updated:
Deccan Herald

ಚಿಕ್ಕಮಗಳೂರು: ಮಡಿವಾಳ ಸಮುದಾಯದ ಜಾಗೃತಿ ಮಹಾಸಮ್ಮೇಳನ, ಮಾಚಿದೇವ ಸಂಸ್ಥಾನದ ಬಸವ ಮಾಚಿದೇವ ಸ್ವಾಮೀಜಿ ಪಟ್ಟಾಧಿಕಾರ ಮಹೋತ್ಸವವು 2019ರ ಜನವರಿ 5 ಮತ್ತು 6ರಂದು ಚಿತ್ರದುರ್ಗದಲ್ಲಿ ಜರುಗಲಿದೆ ಎಂದು ಮಡಿವಾಳ ಸಂಘದ ಜಿಲ್ಲಾಧ್ಯಕ್ಷ ಇ.ಎಚ್‌.ಲಕ್ಷ್ಮಣ ಇಲ್ಲಿ ಶನಿವಾರ ತಿಳಿಸಿದರು.

‘2009ರಲ್ಲಿ ಬಿಜೆಪಿ ಅಧಿಕಾರಾವಧಿಯಲ್ಲಿ ಬಿ.ಎಸ್‌.ಯಡಿಯೂರಪ್ಪ ₹ 50 ಲಕ್ಷ ಅನುದಾನ ನೀಡಿದ್ದರು. ಈ ಅನುದಾನದಲ್ಲಿ ಮಹಾಸಂಸ್ಥಾನದ ಮೂಲಕ ರಾಜ್ಯದಾದ್ಯಂತ ಸಮುದಾಯವರಲ್ಲಿ ಜಾಗೃತಿ ಮೂಡಿಸುವ ಕೆಲಸ ಮಾಡಿದ್ದೇವೆ. ದಶಮಾನೋತ್ಸವ, ಮಹಾಸಮ್ಮೇಳನ, ಪಟ್ಟಾಧಿಕಾರ ಮಹೋತ್ಸವದಲ್ಲಿ ಸಮುದಾಯದವರು ಹೆಚ್ಚಿನ ಸಂಖ್ಯೆಯಲ್ಲಿ ಪಾಲ್ಗೊಳ್ಳಬೇಕು’ ಎಂದು ಪತ್ರಿಕಾಗೋಷ್ಠಿಯಲ್ಲಿ ಕೋರಿದರು.

ಬಸವ ಮಾಚಿದೇವ ಸ್ವಾಮೀಜಿ ಮಾತನಾಡಿ, ‘ಮಡಿವಾಳ ಸಮುದಾಯವರು ಸಂಘಟಿತರಾಗಬೇಕು. ರಾಜಕೀಯ ಪ್ರಾತಿನಿಧ್ಯ ಮತ್ತು ಹಕ್ಕುಗಳನ್ನು ಪಡೆದುಕೊಳ್ಳಬೇಕು’ ಎಂದರು.

‘ಸಮುದಾಯವನ್ನು ಪರಿಶಿಷ್ಟ ಜಾತಿಗೆ ಸೇರಿಸಬೇಕು. ಅನ್ನಪೂರ್ಣಮ್ಮ ಅವರು ಮಡಿವಾಳ ಸಮುದಾಯದ ಕುಲಶಾಸ್ತ್ರೀಯ ಅಧ್ಯಯನ ನಡೆಸಿ ನೀಡಿರುವ ವರದಿಯನ್ನು ರಾಜ್ಯ ಸರ್ಕಾರವು ಕೇಂದ್ರ ಸರ್ಕಾರಕ್ಕೆ ಸಲ್ಲಿಸಬೇಕು. ಸಮುದಾಯದ ಅಭಿವೃದ್ಧಿ ನಿಗಮ ಸ್ಥಾಪಿಸಬೇಕು’ ಎಂದು ಕೋರಿದರು .

‘ದೇವರಹಿಪ್ಪರಗಿಯಲ್ಲಿ ಮಡಿವಾಳ ಮಾಚಿದೇವರ ಸ್ಮಾರಕಗಳ ಅಭಿವೃದ್ಧಿ ಪ್ರಾಧಿಕಾರ’ ರಚಿಸಬೇಕು. ಸಮುದಾಯದ ವಿದ್ಯಾರ್ಥಿಗಳಿಗೆ ಜಿಲ್ಲಾಕೇಂದ್ರಗಳಲ್ಲಿ ಉಚಿತ ವಸತಿ, ಪ್ರಸಾದ ನಿಲಯಗಳನ್ನು ನಿರ್ಮಾಣ ಮಾಡಬೇಕು. ಸಮುದಾಯದ ಕುಲಕಸಬಾದ ಬಟ್ಟೆ ತೊಳೆಯುವ ಮತ್ತು ಇಸ್ತ್ರಿ ಕಾಯಕ ನಿರ್ವಹಣೆಗೆ ಉಚಿತವಾಗಿ ವಿದ್ಯುತ್‌ ‍ಪೂರೈಸಬೇಕು. ಕುಟೀರ ಕಲ್ಪಿಸಬೇಕು’ ಎಂದು ಒತ್ತಾಯಿಸಿದರು.

ಸಮುದಾಯದ ಮುಖಂಡರಾದ ಹೇಮಂತಕುಮಾರ್‌, ಎಸ್‌.ವಿ.ರಾಮಚಂದ್ರ, ಗಿರೀಶ್‌, ಧ್ರುವಕುಮಾರ್‌ ಇದ್ದರು.

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry

Comments:

0 comments

Write the first review for this !