ಆಲ್ದೂರು: ಇಳೆಕಾನ್ ಗ್ರಾಮದ ಸೌರಭ್ ಎಂಬುವರ ರೈನ್ ಸಾಂಗ್ ಎಸ್ಟೇಟ್‌ನ ಫಾರ್ಮ್ ಸ್ಟೇಯಲ್ಲಿ ತಂಗಿದ್ದ ಮೂವರು, ಮಾದಕ ದ್ರವ್ಯ ಸೇವಿಸಿ, ಅವರಲ್ಲಿ ಒಬ್ಬ ಸಾರ್ವಜನಿಕವಾಗಿ ಕೂಗಾಡುತ್ತ ರಂಪಾಟ ಮಾಡುತ್ತಿದ್ದ ಆರೋಪದ ಮೇಲೆ ಆಲ್ದೂರು ಪೊಲೀಸರು ಆ ಮೂವರನ್ನು ಬಂಧಿಸಿದ್ದಾರೆ.
ಬೆಂಗಳೂರಿನ ಲೀಲಾಧರ್ ಭಟ್ (22), ರಾಮ್ ಶಿಫಾನಿ (31), ಸಾಗರ್ (32) ಬಂಧಿತರು. ಆರೋಪಿಗಳನ್ನು ವೈದ್ಯಕೀಯ ಒಳಪಡಿಸಿದ್ದು, ಆರೋಪಿಗಳ ಮೂತ್ರದ ಮಾದರಿಯಲ್ಲಿ ಗಾಂಜಾ ಸೇವನೆ ಮಾಡಿರುವುದು ದೃಢಪಟ್ಟ ಹಿನ್ನೆಲೆ ಅವರ ವಿರುದ್ಧ ಎನ್.ಡಿ.ಪಿ.ಎಸ್ ಕಾಯ್ದೆ ಅಡಿಯಲ್ಲಿ ಆಪ್ರಕರಣ ದಾಖಲಿಸಲಾಗಿದೆ ಎಂದು ಪಿಎಸ್ಐ ಅಕ್ಷಿತಾ ಕೆ.ಪಿ ಮಾಹಿತಿ ನೀಡಿದರು.
