ಹೊಸಕ್ಕಿ ತೆನೆ: ಕರಾವಳಿ ಭಾಗದಲ್ಲಿ ಭತ್ತದ ಮೊದಲ ತೆನೆ ಸೆಪ್ಟೆಂಬರ್ ಮಾಸದಲ್ಲಿ ಬರುವುದರಿಂದ ಈ ಜಿಲ್ಲೆಯ ನಂಟಿರುವವರು ಭತ್ತದ ತೆನೆಗಳನ್ನು ಮಲೆನಾಡಿಗೂ ತಂದು ಹೊಸಕ್ಕಿ ಊಟ ಮಾಡುತ್ತಾರೆ. ಈ ಹೊಸಕ್ಕಿಯನ್ನು ಪುಡಿ ಮಾಡಿ, ಪಾಯಸ ಮಾಡಿ ಕುಟುಂಬದ ಎಲ್ಲ ಸದಸ್ಯರು ಒಟ್ಟಾಗಿ ಸೇವಿಸುತ್ತಾರೆ. ಅಂದು ಸಸ್ಯಾಹಾರಿ ಭೋಜನ ಮಾಡುತ್ತಾರೆ. ಈ ಹಬ್ಬವು ಕುಟುಂಬದ ಏಕತೆಯ ಸೂಚಕವೂ ಹೌದು. ಹಬ್ಬದಲ್ಲಿ ಹಲವು ಬಗೆಯ ತರಕಾರಿ ಸಾಂಬಾರು, ವಿವಿಧ ತಿಂಡಿಗಳು ಇರುತ್ತವೆ.
