ಪಟ್ಟಣದ ಹಳೆಮಂಡಗದ್ದೆ ಸಮೀಪದಲ್ಲಿ ವಾಸವಾಗಿರುವ ಮಹಮ್ಮದ್ ಹುಸೇನ್ ಹಲವಾರು ದಿನಗಳಿಂದ ಬಡ ಕುಟುಂಬಗಳಿಗೆ ನೆರವಿನ ಹಸ್ತ ಚಾಚಿದ್ದಾರೆ. ಯಾವುದೇ ಜಾತಿ, ಧರ್ಮ, ಪಂಥ ಎಂಬ ಭೇದ ಮಾಡದೆ ದಾರಿಯಲ್ಲಿ ಹೋಗುವ ಬಡವರನ್ನು ಮನೆಗೆ ಕರೆದು ಆಹಾರ ಸಾಮಗ್ರಿಯ ಕಿಟ್ ನೀಡುತ್ತಿದ್ದಾರೆ. ಇವರ ಈ ಕಾಯಕದಲ್ಲಿ ಮಗ, ಮೊಮ್ಮಗ ಕೈಜೋಡಿಸಿದ್ದು, ಪಟ್ಟಣದ ವ್ಯಾಪ್ತಿಯಲ್ಲಿರುವ ಬಡವರನ್ನು ಗುರುತಿಸಿ ಮನೆಬಾಗಿಲಿಗೆ ತೆರಳಿ ದಿನಸಿ ನೀಡುವ ಕಾಯಕವನ್ನು ಮಾಡುತ್ತಿದ್ದಾರೆ.