ಕಾಫಿನಾಡು: ಜಿಲ್ಲೆಯ ವಿವಿಧೆಡೆ ಮಳೆ, 22ರವರೆಗೆ ಮುಂದುವರಿಯುವ ಮುನ್ಸೂಚನೆ

ತಡರಾತ್ರಿಯಿಂದ ಶುರುವಾದ ಮಳೆ ಬಿಟ್ಟುಬಿಟ್ಟು ಸುರಿದಿದೆ. ಎಲ್ಲ ತಾಲ್ಲೂಕುಗಳಲ್ಲಿ ಮಳೆಯಾಗಿದೆ.

ನಗರ, ಗಿರಿ ಶ್ರೇಣಿ , ಸುತ್ತಲಿನ ಪ್ರದೇಶದಲ್ಲಿ ಮಳೆಯಾಗಿದೆ. ನಸುಕಿನಲ್ಲಿ ಸುಮಾರು ಮುಕ್ಕಾಲು ಗಂಟೆ ಸಾಧಾರಣವಾಗಿ ಸುರಿದಿದೆಇ.

ಸಿಂಗಟಿಗೆರೆ– 4.6, ಬಸ್ರಿಕಟ್ಟೆ– 3.6, ಹುಣಸಘಟ್ಟ– 2.2, ಬಾಳೆಹೊನ್ನೂರು, ಬುಕ್ಕಾಂಬೂದಿ– 2, ಅತ್ತಿಗುಂಡಿ– 1.6, ಮೂಡಿಗೆರೆ– 1.2, ಅಜ್ಜಂಪುರ– 1.1 ಮಳೆಯಾಗಿದೆ.

ಮಳೆ ಮುನ್ಸೂಚನೆ: ಇದೇ 22ರವರೆಗೆ ಜಿಲ್ಲೆಯಾದ್ಯಂತ ಸಾಧಾರಣ ಮಳೆಯಾಗುವ ಮುನ್ಸೂಚನೆ ಇದೆ. ಗಾಳಿಯ ವೇಗವು ಹೆಚ್ಚು ಇರುವ ಸಂಭವ ಇದೆ ಎಂದು ಮೂಡಿಗೆರೆಯ ಕೃಷಿ ವಿಜ್ಞಾನ ಕೇಂದ್ರದ ಜಿಲ್ಲಾ ಕೃಷಿ ಹವಾಮಾನ ಘಟಕ ವಿಜ್ಞಾನಿ ಪ್ರವೀಣ್‌ ತಿಳಿಸಿದ್ದಾರೆ.