ಚಿಕ್ಕಮಗಳೂರು: ಜಿಲ್ಲೆಯಲ್ಲಿ ಮತ್ತೆ ಮೂವರಿಗೆ ಕೋವಿಡ್ ಗುರುವಾರ ಪತ್ತೆಯಾಗಿದೆ. ತರೀಕೆರೆ ಗರ್ಭಿಣಿಯ ಮೊದಲ ವರದಿ ತಪ್ಪು ಪಾಸಿಟಿವ್ ಮಾಹಿತಿಯಾಗಿದ್ದು, ಮಾದರಿಯನ್ನು ಮತ್ತೆ ಐದು ಬಾರಿ ಪರೀಕ್ಷೆ ಮಾಡಿಸಿದ್ದು ನೆಗೆಟಿವ್ ಬಂದಿದೆ.
ಜಿಲ್ಲೆಯಲ್ಲಿ ಸೋಂಕಿತರ ಸಂಖ್ಯೆ 14ಕ್ಕೆ ಏರಿದೆ. ಗರ್ಭಿಣಿಯ ಗಂಟಲ ದ್ರವ, ಮೂಗಿನ ದ್ರವ ಮಾದರಿಯನ್ನು ಮತ್ತೆ ಐದು ಬಾರಿ ಪರೀಕ್ಷೆ ಮಾಡಿಸಲಾಗಿದ್ದು, ಸೋಂಕು ದೃಢಪಟ್ಟಿಲ್ಲ.
ಗುರುವಾರ ಪತ್ತೆಯಾಗಿರುವ ಮೂವರೂ ಪುರುಷರು. ಈ ಪೈಕಿ ಮೂಡಿಗೆರೆ ತಾಲ್ಲೂಕಿನ ಒಬ್ಬರು ದೆಹಲಿಯಿಂದ ಬಂದಿದ್ದವರು, ಶಂಗೇರಿ ತಾಲ್ಲೂಕಿನ ಇಬ್ಬರು ಮಹಾರಾಷ್ಟ್ರದಿಂದ ಬಂದಿದ್ದವರು ಎಂದು ಜಿಲ್ಲಾಧಿಕಾರಿ ಡಾ.ಬಗಾದಿ ಗೌತಮ್ ತಿಳಿಸಿದ್ದಾರೆ.
