ಬೀರೂರು, ಕಡೂರು, ಸಖರಾಯಪಟ್ಟಣ, ಅಲ್ದೂರು, ಮೂಡಿಗೆರೆ ಮುಂತಾದ ಭಾಗಗಳಿಂದ ವಿದ್ಯಾರ್ಥಿಗಳು ಈ ಕಾಲೇಜಿಗೆ ಬರುತ್ತಾರೆ. 3500ಕ್ಕೂ ಹೆಚ್ಚು ವಿದ್ಯಾರ್ಥಿಗಳು ಇದ್ದಾರೆ. 150ಕ್ಕೂ ಹೆಚ್ಚು ಬೋಧಕರು (ಕಾಯಂ, ಅತಿಥಿ ಉಪನ್ಯಾಸಕರಸಹಿತ) ಇದ್ದಾರೆ. ಶೌಚಾಲಯಗಳ ನಳಗಳಲ್ಲಿ ನೀರು ಬರುವುದು ಅಪರೂಪ. ಹೀಗಾಗಿ, ಶೌಚಾಲಯದ ಪಡಸಾಲೆಯಲ್ಲಿ ಡ್ರಮ್ಗಳನ್ನು ಇಟ್ಟು ನೀರು ತುಂಬಿಸಲು ವ್ಯವಸ್ಥೆ ಮಾಡಲಾಗಿದೆ. ಡ್ರಮ್ಗಳಿಗೆ ನೀರು ತುಂಬಿಸಲು ‘ಮೀನಮೇಷ’ ಎಣಿಸುವುದು ಬಿಕ್ಕಟ್ಟು ಸೃಷ್ಟಿಸಿದೆ. ಬೋಧಕ ಸಿಬ್ಬಂದಿಯ ಶೌಚಾಲಯಗಳೂ ಸಮಸ್ಯೆಗಳಿಂದ ಹೊರತಾಗಿಲ್ಲ ಎನ್ನುತ್ತಾರೆ ವಿದ್ಯಾರ್ಥಿಗಳು.