ಯೋಜನೆಯ ಮಾಹಿತಿ ಪಡೆದು ಕೆಲಸ ಮಾಡಿ: ಸಿಇಒ ಸತ್ಯಭಾಮ ಅಭಿಮತ

7

ಯೋಜನೆಯ ಮಾಹಿತಿ ಪಡೆದು ಕೆಲಸ ಮಾಡಿ: ಸಿಇಒ ಸತ್ಯಭಾಮ ಅಭಿಮತ

Published:
Updated:
Deccan Herald

ಶೃಂಗೇರಿ: ‘ಜನಪ್ರತಿನಿಧಿಗಳು ಜನರ ಸಮಸ್ಯೆಗಳಿಗೆ ಸ್ಪಂದಿಸಿ ಕಾರ್ಯ ನಿರ್ವಹಿಸಬೇಕು. ಹಾಗಾಗಿ ಪ್ರತಿ ಇಲಾಖೆಯ ಯೋಜನೆಗಳ ಮಾಹಿತಿ ಯನ್ನು ಅಧಿಕಾರಿಗಳಿಂದ ಪಡೆದು ಜನರಿಗೆ ತಲುಪಿಸುವ ಗುರುತರ ಜವಾ ಬ್ದಾರಿ ಅವರ ಮೇಲಿದೆ’ ಎಂದು ಜಿಲ್ಲಾ ಪಂಚಾಯಿತಿ ಸಿಇಒ ಸತ್ಯಭಾಮ ತಿಳಿಸಿದರು.

ಶೃಂಗೇರಿ ತಾಲ್ಲೂಕಿನ ಕನ್ನಡ ಭವ ನದಲ್ಲಿ ಗುರುವಾರ ಚಿಕ್ಕಮಗಳೂರು ಜಿಲ್ಲಾ ಪಂಚಾಯಿತಿ ಆಯೋಜಿಸಿದ್ದ ‘ಚುನಾಯಿತ ಪ್ರತಿನಿಧಿಗಳಿಗೆ ವಿವಿಧ ಇಲಾಖೆಗಳ ಸರ್ಕಾರಿ ಯೋಜನೆಗಳ ಮಾಹಿತಿ ಕಾರ್ಯಾಗಾರ’ದಲ್ಲಿ ಭಾಗ ವಹಿಸಿ ಅವರು ಮಾತನಾಡಿದರು.

‘ಇಲಾಖೆಯ ಯೋಜನೆಗಳನ್ನು ಕಾನೂನು ಹಾಗೂ ಕಾಯ್ದೆ ಯಡಿ ರೂಪಿಸಬೇಕು. ಯೋಜನೆ ಗಳನ್ನು ತ್ವರಿತಗತಿಯಲ್ಲಿ ಅನುಷ್ಠಾನಗೊಳಿಸಬೇಕು. ಉದ್ಯೋಗಖಾತ್ರಿ ಯೋಜನೆಯಡಿ ಕುಟುಂಬದ ಒಬ್ಬ ಸದಸ್ಯ ಮಾತ್ರ ಫಲಾನುಭವಿಯಾಗಬಹುದು. ವರ್ಷಕ್ಕೆ 100 ದಿನ ಕಾರ್ಯನಿರ್ವಹಿಸಿದ ಕೆಲಸಗಾ ರರಿಗೆ ಪ್ರತಿದಿನ ₹249 ದಿನಗೂಲಿ ನೀಡ ಬೇಕು. ಈ ಯೋಜನೆಯಡಿ ಕೃಷಿಗೆ ನೀರಾವರಿ, ರಸ್ತೆ, ಮಣ್ಣಿನ ಕೆಲಸಗಳಿಗೆ ಮಾತ್ರ ಸೀಮಿತವಾಗಿದೆ’ ಎಂದರು.

ಜಿಲ್ಲಾ ಪಂಚಾಯಿತಿ ಅಧ್ಯಕ್ಷೆ ಸುಜಾತ ಕೃಷ್ಣಪ್ಪ ಮಾತನಾಡಿ, ‘ಎಲ್ಲಾ ಇಲಾಖೆಯ ಮಾಹಿತಿ ಪಡೆಯುವುದು ಜನಪ್ರತಿನಿಧಿಗಳ ಹಕ್ಕು. ಸರ್ಕಾರವು ಪ್ರತಿ ಹಂತಗಳಲ್ಲಿ ಅನುಷ್ಠಾನಗೊಳಿಸುವ ಯೋಜನೆಗಳನ್ನು ಅಧಿಕಾರಿಗಳು ಜನಪ್ರತಿನಿಧಿಗಳ ಗಮನಕ್ಕೆ ತರಬೇಕು ಎಂದರು.

ಜಿಲ್ಲಾ ಪಂಚಾಯಿತಿ ಸದಸ್ಯ ಬಿ.ಶಿವಶಂಕರ್ ಮಾತನಾಡಿ, ಅಧಿಕಾ ರಿಗಳು ಹಾಗೂ ಜನಪ್ರತಿನಿಧಿಗಳು ಸರ್ಕಾರದ ಒಂದೇ ನಾಣ್ಯದ ಎರಡು ಮುಖಗಳು. ಇಲಾಖೆಯ ಅಧಿಕಾರಿಗಳು ಮಾಹಿತಿಯನ್ನು ಮುಚ್ಚಿಟ್ಟರೆ ಯೋಜನೆಗಳು ಸ್ಥಗಿತಗೊಳ್ಳುತ್ತವೆ. ಅಧಿಕಾರಿಗಳು ಸರ್ಕಾರಿ ನೌಕರರು. ಅವರು ಮಾನವೀಯ ನೆಲೆಗಟ್ಟಿನಲ್ಲಿ ಸಮಾಜದ ಏಳಿಗೆಗಾಗಿ ಶ್ರಮಿಸಬೇಕು. ಜನಪ್ರತಿನಿಧಿಗಳು ಸರ್ಕಾರದ ಸುತ್ತೋಲೆಗಳನ್ನು ಅರ್ಥೈಸಿಕೊಂಡು ಯೋಜನೆಗಳನ್ನು ರೂಪಿಸಬೇಕು. ಪ್ರತಿ ಇಲಾಖೆಯ ಮಾಹಿತಿಯನ್ನು ಪಡೆದ ಜನಪ್ರತಿನಿಧಿಗಳು ಉತ್ತಮ ನಾಯ ಕರಾಗುತ್ತಾರೆ ಎಂದರು.

ಸ್ವಚ್ಛಭಾರತ್, ಶೌಚಾಲಯ ನಿರ್ಮಾಣ, ತ್ಯಾಜ್ಯವಸ್ತುಗಳ ನಿರ್ವ ಹಣೆ ಮುಂತಾದ ವಿಷಯಗಳ ಬಗ್ಗೆ ಜಿಲ್ಲೆಯಿಂದ ಬಂದಿದ್ದ ವಿವಿಧ ಇಲಾ ಖೆಯ ಯೋಜನಾಧಿಕಾರಿಗಳು ಮಾತನಾಡಿದರು.

ತಾಲ್ಲೂಕು ಪಂಚಾಯಿತಿ ಅಧ್ಯಕ್ಷೆ ಜಯಶೀಲ ಚಂದ್ರಶೇಖರ್ ಅಧ್ಯಕ್ಷತೆ ವಹಿಸಿದ್ದರು. ಉಪಾಧ್ಯಕ್ಷೆ ಚಂದ್ರಮತಿ ತಿಮ್ಮಪ್ಪ, ಜಿಲ್ಲಾ ಪಂಚಾಯಿತಿ ಸದಸ್ಯೆ ಶಿಲ್ಪಾರವಿ, ತಾಲ್ಲೂಕು ಪಂಚಾಯಿತಿ ಇಒ ಮೂಕಪ್ಪಗೌಡ ಮತ್ತು ತಾಲ್ಲೂಕು ಪಂಚಾಯಿತಿ, ಗ್ರಾಮ ಪಂಚಾಯಿತಿ ಜನಪ್ರತಿನಿಧಿಗಳು, ತಾಲ್ಲೂಕು ವರ್ಗದ ಅಧಿಕಾರಿಗಳು ಭಾಗವಹಿಸಿದ್ದರು.

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry

Comments:

0 comments

Write the first review for this !