ಸೋಮವಾರ, ಆಗಸ್ಟ್ 15, 2022
24 °C

ಮೇಡಂ, ಆಕ್ಸಿಜನ್‌ ಕೊಡಿ ಪ್ಲೀಸ್‌..: ಸಾವಿಗೂ ಮುನ್ನ ಅಂಗಲಾಚಿದ ಕೋವಿಡ್‌ ರೋಗಿ

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

ಚಿತ್ರದುರ್ಗ: ‘ಮೇಡಂ, ಐಸಿಯು ವಾರ್ಡ್‌ನಲ್ಲಿ ಆಕ್ಸಿಜನ್‌ ಖಾಲಿಯಾಗಿದೆ. ಉಸಿರಾಡಲು ಆಗುತ್ತಿಲ್ಲ. ಬೇಗ ಬಂದು ಆಕ್ಸಿಜನ್ ಕೊಡಿ ಪ್ಲೀಸ್‌...’

ಜಿಲ್ಲಾ ಕೋವಿಡ್ ಆಸ್ಪತ್ರೆಗೆ ದಾಖಲಾಗಿದ್ದ ಕೊರೊನ ಸೋಂಕಿತ ವ್ಯಕ್ತಿಯೊಬ್ಬರು ಮೃತಪಡುವುದಕ್ಕೂ ಮೊದಲು ಆಕ್ಸಿಜನ್‌ಗೆ ಅಂಗಲಾಚಿದ್ದರು ಎನ್ನಲಾದ ಮೊಬೈಲ್‌ ರೆಕಾರ್ಡ್‌ವೊಂದು ಸಾಮಾಜಿಕ ಜಾಲತಾಣದಲ್ಲಿ ಹರಿದಾಡುತ್ತಿದೆ. ಸೋಂಕಿತ ವ್ಯಕ್ತಿ ಬಳಸುತ್ತಿದ್ದ ಮೊಬೈಲ್ ಕುಟುಂಬದ ಕೈಸೇರಿದ ಬಳಿಕ ಪ್ರಕರಣ ಬೆಳಕಿಗೆ ಬಂದಿದೆ.

ನಗರದ ಖಾಜಿ ಮೊಹಲ್ಲಾದ 38 ವರ್ಷದ ವ್ಯಕ್ತಿಯೊಬ್ಬರಿಗೆ ಕೊರೊನಾ ಸೋಂಕು ಅಂಟಿತ್ತು. ಉಸಿರಾಟದ ತೊಂದರೆ ಕಾಣಿಸಿಕೊಂಡಿದ್ದರಿಂದ ಆ.20ರಂದು ಐಸಿಯುಗೆ ದಾಖಲಿಸಲಾಗಿತ್ತು. ಆದರೆ, ಆಕ್ಸಿಜನ್‌ ಪೂರೈಕೆಯಲ್ಲಿ ಉಂಟಾದ ವ್ಯತ್ಯಯದಿಂದ ರೋಗಿ ಕೊನೆಯುಸಿರೆಳೆದಿದ್ದರು. ಆಕ್ಸಿಜನ್‌ ಕೇಳಿ ಆಸ್ಪತ್ರೆಯ ಸಿಬ್ಬಂದಿಗೆ ದೂರವಾಣಿ ಕರೆ ಮಾಡಿ ಮಾತನಾಡಿದ ರೆಕಾರ್ಡ್‌ ಬಹಿರಂಗಗೊಂಡಿದೆ.

ಶುಶ್ರೂಷಕಿಗೆ ದೂರವಾಣಿ ಕರೆ ಮಾಡಿದ ಸೋಂಕಿತ ಏದುಸಿರುವ ಬಿಡುತ್ತಲೇ ಮಾತನಾಡುತ್ತಾರೆ. ಆಕ್ಸಿಜನ್‌ ಪೂರೈಕಯಲ್ಲಿ ಉಂಟಾಗಿರುವ ಸಮಸ್ಯೆಯನ್ನು ಗಮನಿಸುವಂತೆ ಕೋರಿಕೊಳ್ಳುತ್ತಾರೆ. ರೋಗಿಯ ಮಾತು ಮುಗಿಯುವ ಮೊದಲೇ ಫೋನು ಕುಕ್ಕಿದ ಶುಶ್ರೂಷಕಿಯ ವರ್ತನೆಗೆ ಕುಟುಂಬ ಆಕ್ರೋಶ ವ್ಯಕ್ತಪಡಿಸಿದೆ.

‘ಹಲೋ, ಬನ್ನಿ ಸಾರ್‌. ಪ್ಲೀಸ್‌ ಬನ್ನಿ ಸಾರ್‌. ಆಕ್ಸಿಜನ್‌ ಕೊಡಿ ಸಾರ್‌’ ಎಂದು ಪರಿಪರಿಯಾಗಿ ಬೇಡಿಕೊಳ್ಳುವ ರೀತಿ ಮನಕಲಕುವಂತಿದೆ.

ತಾಜಾ ಮಾಹಿತಿ ಪಡೆಯಲು ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.

ಈ ವಿಭಾಗದಿಂದ ಇನ್ನಷ್ಟು