ಕುರಿಗಳನ್ನು ಕದ್ಯೊಯ್ದ ಕಳ್ಳರು

ಹಿರಿಯೂರು ತಾಲ್ಲೂಕಿನ ಸೀಗೆಹಟ್ಟಿ ಗ್ರಾಮದ ಬಾಲರಾಜ ಹಾಗೂ ಸಂಬಂಧಿ ಮಂಜುಳಾ ತಮ್ಮ ಜೀವನೋಪಾಯಕ್ಕೆ 250 ಕುರಿಗಳನ್ನು ಸಾಕಿಕೊಂಡಿದ್ದು, ಹತ್ತು ದಿನಗಳಿಂದ ಹೋಬಳಿಯ ಎಸ್. ನೇರಲಕೆರೆ ಗ್ರಾಮದ ಗೋವಿಂದಪ್ಪ ಅವರ ಜಮೀನಿನಲ್ಲಿ ರೊಪ್ಪ ಹಾಕಿಕೊಂಡಿದ್ದರು.

ಮಂಗಳವಾರ ಸಂಜೆ ರೊಪ್ಪದ ಬಳಿ ಇರುವ ಬೈಲು ಈರಣ್ಣ ದೇವಸ್ಥಾನದ ಬಳಿಯ ಬೀಳು ಜಮೀನಿನಲ್ಲಿ ಕುರಿಗಳನ್ನು ಮೇಯಿಸುತ್ತಿರುವಾಗ 3– 4 ಜನರು ಏಕಾಏಕಿ ಬಂದು ನಾಲ್ಕು ಕುರಿಗಳನ್ನು ಟಾಟಾ ಏಸ್‍ ವಾಹನದಲ್ಲಿ ಕಳವು ಮಾಡಿಕೊಂಡು ಹೋಗಿದ್ದಾರೆ. ಈ ಬಗ್ಗೆ ಶ್ರೀರಾಂಪುರ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.