ಮಧ್ಯಾಹ್ನ ತಂಗಟೆ, ಅನ್ನೆ, ಅವರೆ, ತೊಗರಿ ಹೂವು, ರಾಗಿ ತೆನೆ, ಉತ್ತರಾಣಿ ಕಡ್ಡಿ ಮತ್ತಿತರ ಹಟ್ಟಿಗೆ ಹಾಕುವ ಸಾಮಗ್ರಿಗಳೊಂದಿಗೆ ಗ್ರಾಮಕ್ಕೆ ಹಿಂತಿರುಗಿದ ಯುವತಿಯರನ್ನು ಸಾಂಪ್ರದಾಯಕ ಹಾಡುಗಳೊಂದಿಗೆ ಯುವಕರು ನೃತ್ಯದ ಮೂಲಕ ಗ್ರಾಮದ ದೇವಸ್ಥಾನಕ್ಕೆ ಮೆರವಣಿಗೆಯಲ್ಲಿ ಕರೆ ತಂದರು. ನೃತ್ಯದಲ್ಲಿ ಮಕ್ಕಳು, ಯುವತಿಯರು, ಯುವಕರು ಪಾಲ್ಗೊಂಡು ಮನರಂಜನೆ ನೀಡಿ ದ್ದುದು ಎಲ್ಲರ ಗಮನ ಸೆಳೆಯಿತು. ದೇವಸ್ಥಾನದಲ್ಲಿ ಹೂವಿನ ಪುಟ್ಟಿಗಳಿಗೆ ಪೂಜೆ ಸಲ್ಲಿಸಿದ ನಂತರ, ಪ್ರತಿ ಮನೆಯವರು ತಮ್ಮ ಮನೆಯ ಅಂಗಳಕ್ಕೆ ಹಾಕುವಷ್ಟು ಹೂವುಗಳನ್ನು ಒಯ್ದು ಮನೆಯ ಅಂಗಳದ ರಂಗೋಲಿ ಮೇಲೆ ಚೆಲ್ಲಿ, ಬೆನಕಪ್ಪನನ್ನು ಪ್ರತಿಷ್ಠಾಪಿಸುವುದು ಹಬ್ಬದ ವಿಶೇಷ.
