‘ಕೆ.ಜಿ.ಗೆ ₹ 2,000ದಿಂದ ₹ 2,400ರಂತೆ ವಿವಿಧ ಕಂಪನಿಗಳ ಒಟ್ಟು 20 ಕೆ.ಜಿ. ಈರುಳ್ಳಿ ಬೀಜವನ್ನು ನಾಲ್ಕು ಎಕರೆ ಪ್ರದೇಶದಲ್ಲಿ ಚೆಲ್ಲಲಾಗಿತ್ತು. ಬೇಸಾಯ, ಕಳೆ, ಗೊಬ್ಬರ, ಔಷಧ, ಬೆಳೆ ಕಟಾವು, ಈರುಳ್ಳಿ ಖಾಲಿ ಚೀಲ, ಸಂಸ್ಕರಣೆ ಸೇರಿ ಒಂದು ಎಕರೆ ಪ್ರದೇಶದಲ್ಲಿ ಈರುಳ್ಳಿ ಬೆಳೆಯಲು ಅಂದಾಜು ₹ 70,000ದಿಂದ ₹ 80,000 ವೆಚ್ಚ ತಗುಲುತ್ತದೆ. ಬೆಳೆ ಚೆನ್ನಾಗಿ ಬಂದಿತ್ತು. ಆದರೆ, ಹೋಬಳಿಯಲ್ಲಿ ತಿಂಗಳಿನಿಂದ ಸುರಿದ ಮಳೆಯಿಂದಾಗಿ ಈರುಳ್ಳಿ ಬೆಳೆಗೆ ಕೊಳೆ ರೋಗ ತಗುಲಿದ್ದು, ಸಂಪೂರ್ಣ ನಾಶವಾಗಿದೆ’ ಎಂದು ರೈತ ಚಿನ್ನಯ್ಯ ಬೇಸರ ವ್ಯಕ್ತಪಡಿಸಿದರು.