ಹಿರಿಯೂರು | ಮುಂದುವರಿದ ಮಳೆಯ ಅಬ್ಬರ: ಎಂಟು ಮನೆಗಳಿಗೆ ಹಾನಿ

ಐಮಂಗಲ ಹೋಬಳಿಯ ಗುಳಗೊಂಡನಹಳ್ಳಿಯ ತಿಮ್ಮಣ್ಣ ಅವರ ಮನೆ, ಜವನಗೊಂಡನಹಳ್ಳಿ ಹೋಬಳಿಯ ಕಿಲ್ಲಾರದಹಳ್ಳಿಯ ಕರಿಯಮ್ಮ, ಪಿಲ್ಲಾಲಿ ಗ್ರಾಮದ ನಾಗರಾಜಪ್ಪ, ಕಸಬಾ ಹೋಬಳಿ ಆಲೂರು ಪಾರ್ವತಮ್ಮ ಮತ್ತು ರವಿಕುಮಾರ್, ವಸಂತನಗರದ ಹನುಮಂತಪ್ಪ, ಪಿ.ಡಿ. ಕೋಟೆ ಗ್ರಾಮದ ಕಮಲಮ್ಮ, ಗೂಳ್ಯ ಗ್ರಾಮದ ದ್ಯಾವರಣ್ಣ ಅವರ ಮನೆಗಳಿಗೆ ಹಾನಿಯಾಗಿದೆ. ಸಕ್ಕರ ಗ್ರಾಮದ ಶಿವರಾಜ್ ಪಟೇಲ್ ಅವರ ಹೊಲದಲ್ಲಿನ ಮೆಕ್ಕೆಜೋಳ, ಹರ್ತಿಕೋಟೆ ಗ್ರಾಮದ ರಾಮಕೃಷ್ಣಪ್ಪ ಎಂಬ ರೈತರ ಈರುಳ್ಳಿ ಬೆಳೆ ಮಳೆಯ ನೀರಿನಲ್ಲಿ ಮುಳುಗಿ ಹಾಳಾಗಿದೆ ಎಂದು ಹೇಳಿದ್ದಾರೆ.

ತಾಲ್ಲೂಕಿನ ಇಕ್ಕನೂರಿನಲ್ಲಿ ಸೋಮವಾರ ರಾತ್ರಿ 48.2 ಮಿ.ಮೀ.ಮಳೆಯಾಗಿದ್ದರೆ, ಬಬ್ಬೂರಿನಲ್ಲಿ 34.0, ಈಶ್ವರಗೆರೆಯಲ್ಲಿ 30.2, ಹಿರಿಯೂರಿನಲ್ಲಿ 25.6 ಹಾಗೂ ಸೂಗೂರಿನಲ್ಲಿ 17.1 ಮಿ.ಮೀ.ಮಳೆಯಾಗಿದೆ.