ಹಿರಿಯೂರು: ಪ್ರವಾಸಿಗೆ ಮೊಬೈಲ್ ಮರಳಿಸಿ ಪ್ರಾಮಾಣಿಕತೆ ಮೆರೆದ ಹೋಂಗಾರ್ಡ್

ಬೆಂಗಳೂರಿನ ಸೆಲ್ವಂ ಅವರು ಮೊಬೈಲ್ ಕಳೆದುಕೊಂಡಿದ್ದರು. ಅಣೆಕಟ್ಟೆಯ ಕಾವಲಿಗೆ ನೇಮಕಗೊಂಡಿರುವ ಗೃಹರಕ್ಷಕ ದಳದ ಸಿಬ್ಬಂದಿ ಪರಂಧಾಮ ಅವರು ಮೊಬೈಲ್ ಅನ್ನು ಹಿಂದಿರುಗಿಸಿದ್ದಾರೆ. 

ಜಲಾಶಯ ವೀಕ್ಷಣೆಗೆ ಶನಿವಾರ ಬಂದಿದ್ದ ಸೆಲ್ವಂ ಅವರು ಕಳೆದುಕೊಂಡಿದ್ದ ಮೊಬೈಲ್ ಪರಂಧಾಮ ಅವರಿಗೆ ಸಿಕ್ಕಿತ್ತು. ದೂರವಾಣಿ ಮೂಲಕ ಮೊಬೈಲ್ ಸಿಕ್ಕಿರುವುದನ್ನು ಪರಂಧಾಮ ತಿಳಿಸಿದ್ದರು. ಸೆಲ್ವಂ ಅವರು ಭಾನುವಾರ ಅಣೆಕಟ್ಟೆ ಬಳಿ ತಮ್ಮ ಮೊಬೈಲ್ ಪಡೆದುಕೊಂಡರು. 

ಈ ಹಿಂದೆಯೂ, ಯುವತಿಯೊಬ್ಬರ ಬೆಲೆ ಬಾಳುವ ಕೈಗಡಿಯಾರ, ಮೊಬೈಲ್ ಮತ್ತು ನಗದು ಇದ್ದ ಪರ್ಸ್ ಹಾಗೂ ಮತ್ತೊಬ್ಬ ಮಹಿಳೆಯ ಪರ್ಸ್ ಅನ್ನು  ಮಾಲೀಕರಿಗೆ ಹಿಂದಿರುಗಿಸಿ ಪರಂಧಾಮ ಅವರು ಮೆಚ್ಚುಗೆಗೆ ಪಾತ್ರರಾಗಿದ್ದರು.