10ರಂದು ‘ಲೌಡ್‌ ಸ್ಪೀಕರ್’ ತೆರೆಗೆ

7

10ರಂದು ‘ಲೌಡ್‌ ಸ್ಪೀಕರ್’ ತೆರೆಗೆ

Published:
Updated:

ಚಿತ್ರದುರ್ಗ: ವಿಶೇಷ ಕಥೆ ಒಳಗೊಂಡ ‘ಲೌಡ್ ಸ್ಪೀಕರ್’ ಕನ್ನಡ ಚಲನಚಿತ್ರ ಆ. 10ರಂದು ಬಿಡುಗಡೆಯಾಗಲಿದೆ’ ಎಂದು ಚಿತ್ರದ ನಾಯಕ ನಟ ಅಭಿಷೇಕ ಜೈನ್ ಶನಿವಾರ ಪತ್ರಿಕಾಗೋಷ್ಠಿಯಲ್ಲಿ ತಿಳಿಸಿದರು.

‘ಕಥೆಯನ್ನು ಬಹುತೇಕ ಪ್ರಯೋಗಕ್ಕೊಳಪಡಿಸಿ ನಂತರ ಚಿತ್ರ ನಿರ್ಮಾಣಕ್ಕೆ ಮುಂದಾದೆವು. ಆಂಧ್ರಪ್ರದೇಶ, ತಮಿಳುನಾಡು ಸೇರಿದಂತೆ ವಿದೇಶದಲ್ಲಿಯೂ ಏಕಕಾಲಕ್ಕೆ ಸಿನಿಮಾ ಬಿಡುಗಡೆಯಾಗಲಿದೆ’ ಎಂದು ಹೇಳಿದರು.

‘ಸಿನಿಮಾದಲ್ಲಿ ಕಥೆಯೇ ಹೀರೋ. ಪ್ರತಿಯೊಬ್ಬರ ಜೀವನದಲ್ಲೂ ಒಂದೊಂದು ರಹಸ್ಯ ಇರುತ್ತದೆ. ಅಂತಹ ರಹಸ್ಯವೊಂದನ್ನು ವ್ಯಕ್ತಿಯೊಬ್ಬ ತನ್ನ ಮೊಬೈಲ್‌ನಲ್ಲಿ ಸಂಗ್ರಹಿಸಿಟ್ಟುಕೊಂಡಿರುತ್ತಾನೆ. ಯಾವತ್ತೊ ಒಂದು ದಿನ ಆ ರಹಸ್ಯ ಬಯಲಾಗುತ್ತದೆ. ನಂತರ ಅವನ ಜೀವನ ಏನಾಗುತ್ತದೆ ಎಂಬ ಕಥೆಯನ್ನು ಹಾಸ್ಯಮಿಶ್ರಿತ ರೂಪದಲ್ಲಿ ತೆರೆಮೇಲೆ ತರಲಾಗಿದೆ’ ಎಂದು ತಿಳಿಸಿದರು.

‘ಚಂದನ್‌ ಶೆಟ್ಟಿ ಹಾಡಿರುವ ಹಾಡು ಹಾಗೂ ಸಿನಿಮಾದ ಪೋಸ್ಟರ್‌ಗೆ ಸಾಮಾಜಿಕ ಜಾಲತಾಣದಲ್ಲಿ ಉತ್ತಮ ಪ್ರತಿಕ್ರಿಯೆ ವ್ಯಕ್ತವಾಗಿದೆ. ರಂಗಾಯಣ ರಘು, ದತ್ತಣ್ಣ, ಸುಮಂತ್ ಭಟ್‌, ಕಾರ್ತಿಕ್‌ ರಾವ್‌, ನೀನಾಸಂ ಭಾಸ್ಕರ್‌, ಕಾವ್ಯಾ ಶಾ, ಅನುಷಾ, ದಿಶಾ ನಟಿಸಿದ್ದಾರೆ’ ಎಂದರು.

ಲೌಡ್ ಸ್ಪೀಕರ್ ಚಿತ್ರದ ನಾಯಕಿ ಅನುಷಾ ಮಾತನಾಡಿ, ‘ಕನ್ನಡ ಪ್ರೇಕ್ಷಕರನ್ನು ರಂಜಿಸಲು ತೀರಾ ಹೊಸ ಕಥೆಯೊಂದಿಗೆ ಚಿತ್ರ ಮೂಡಿಬಂದಿದೆ. ಪ್ರತಿ ಪಾತ್ರವೂ ನಮ್ಮನ್ನು ಪ್ರಶ್ನಿಸುತ್ತದೆ’ ಎಂದರು.

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry

Comments:

0 comments

Write the first review for this !