ಪಟ್ಟಣದಲ್ಲಿ ಹೆಚ್ಚು ಸಮಸ್ಯೆ: ಪಟ್ಟಣದಲ್ಲಿ ಆರೇಳು ಘಟಕಗಳಿದ್ದರೂ ಎರಡು, ಮೂರು ಘಟಕಗಳು ಮಾತ್ರ ಕಾರ್ಯನಿರ್ವಹಿಸುತ್ತವೆ. ಎಂಎಂ ಕಾಲೇಜು ಮುಂಭಾಗ, ಸಿದ್ದರಾಮಪ್ಪ ಬಡಾವಣೆಯ ಅವಳಿಹಟ್ಟಿ ರಸ್ತೆ ಹಾಗೂ ಚಿತ್ರದುರ್ಗ ರಸ್ತೆಯ ತಹಶೀಲ್ದಾರ್ ಕಚೇರಿ ಪಕ್ಕದಲ್ಲಿರುವ ಶುದ್ಧ ನೀರಿನ ಘಟಕಗಳು ಶಾಶ್ವತವಾಗಿ ಬಂದ್ ಆಗಿವೆ. ಪುರಸಭೆ ಕಚೇರಿ ಎದುರಿನ ಶುದ್ಧ ನೀರಿನ ಘಟಕ ಮಾತ್ರ ಕಾರ್ಯನಿರ್ವಹಿಸುತ್ತಿದ್ದು, ಯಾವಾಗಲೂ ಸರದಿ ಸಾಲಿನಲ್ಲಿ ನಿಂತು ನೀರು ಪಡೆಯುವ ಪರಿಸ್ಥಿತಿ ಇದೆ.