ಹಿರಿಯೂರು: ತಾಲ್ಲೂಕಿನ ಜವನಗೊಂಡನಹಳ್ಳಿಯ ಕೆ.ಎಚ್.ಆರ್.ಬಡಾವಣೆ ಪಕ್ಕ ಇರುವ ಗಾಯಿತ್ರಿ ಜಲಾಶಯಯದ ನಾಲೆಯ ನೀರಿಗೆ ಬಿದ್ದ ಎರಡೂವರೆ ವರ್ಷದ ಬಾಲಕನನ್ನು 9 ವರ್ಷದ ಬಾಲಕನೊಬ್ಬ ಬದುಕಿಸಿರುವ ಘಟನೆ ನಡೆದಿದೆ.
ಭಾನುವಾರ ಸಂಜೆ ಶೌಕತ್ ಎಂಬುವವರ ಮಗ ಅಪ್ಪಾನ್ ನೀರಿಗೆ ಬಿದ್ದಿದ್ದ. ನೀರಿನಲ್ಲಿ ಮುಳುಗುತ್ತಿದ್ದ ಬಾಲಕನನ್ನು ನೋಡಿದ ಷಕೀಲ್ ಅಹಮದ್ ಅವರ ಮಗ ಮೂರನೇ ತರಗತಿಯ ಕಫೀಲ್ ಅಹಮದ್ ನಾಲೆಗೆ ಹಾರಿ ಮಗುವನ್ನು ರಕ್ಷಿಸಿದ್ದಾನೆ.
ಜೀವ ಉಳಿಸಿದ ಬಾಲಕ ಕಫೀಲ್ ಅಹಮದ್‌ನನ್ನು ಗ್ರಾಮಸ್ಥರು ಅಭಿನಂದಿಸಿದ್ದಾರೆ.
