ಹಿರೇಕೆರೆ ಬಲಭಾಗದ ಕೋಡಿಮುಚ್ಚಿದ ಗ್ರಾಮಸ್ಥರು: ಹಿರೇಕೆರೆಗೆ ಎರಡು ಕೋಡಿಗಳಿದ್ದು, ಬಲಕೋಡಿಯು ಇಳಿಜಾರಿನಲ್ಲಿದೆ. ಕೆರೆ ತುಂಬಿದಾಗ ಬೇಗ ಕೋಡಿ ನೀರು ಹರಿಯುತ್ತದೆ. ಆದರೆ, ಎಡಭಾಗದ ಕೋಡಿಯು ಸ್ವಲ್ಪ ಎತ್ತರದಲ್ಲಿದ್ದು, ಅಲ್ಲಿ ಕೋಡಿ ಹರಿಯುತ್ತಿಲ್ಲ. ಇದನ್ನು ಮನಗಂಡ ಗ್ರಾಮಸ್ಥರು ಕೆರೆಯ ಬಲಕೋಡಿಯಲ್ಲಿ ಹರಿಯುತ್ತಿದ್ದ ನೀರನ್ನು ಮಣ್ಣು ಮತ್ತು ಒಡ್ಡಿನಿಂದ ಅಡ್ಡಹಾಕಿ ನಿಲ್ಲಿಸಿದರು. ಇದರಿಂದ ನೀರಿನ ಸಂಗ್ರಹ ಸಾಮರ್ಥ್ಯ ಹೆಚ್ಚಾಗಿ ಎಡಭಾಗದ ಕೋಡಿಯಲ್ಲೂ ನೀರು ಹರಿಯುತ್ತದೆ. ಆಗ ಸಂಪ್ರದಾಯದಂತೆ ತೆಪ್ಪೋತ್ಸವ ಆಚರಿಸಲು ಅನುಕೂಲವಾಗುತ್ತದೆ ಎಂಬುದು ಗ್ರಾಮಸ್ಥರ ನಂಬಿಕೆಯಾಗಿದೆ.