‘ತಾಲ್ಲೂಕಿನಲ್ಲಿ ಒಟ್ಟು 104 ಕಿ.ಮೀ. ಪೈಪ್ಲೈನ್ ಕಾಮಗಾರಿ ಇದ್ದು, 7 ಕಿ.ಮೀ. ಪೈಪ್ಲೈನ್ ಅಳವಡಿಸುವ ಕಾರ್ಯ ಮಾತ್ರ ಉಳಿದಿದೆ. ಬೂದಿಪುರ ಸಮೀಪ ನಿರ್ಮಾಣವಾಗುತ್ತಿರುವ 7 ಕಿ.ಮೀ. ಮುಖ್ಯ ಕಾಲುವೆ ಕಾಮಗಾರಿಯಲ್ಲಿ 2.5 ಕಿ.ಮೀ. ಬಾಕಿ ಇದೆ. ಚಿಕ್ಕ ಯಗಟಿ ಮುಖ್ಯ ಕಾಲುವೆಯಿಂದ ಗಂಗಸಮುದ್ರ ಕೆರೆಗೆ ಸಂಪರ್ಕ ಕಲ್ಪಿಸುವ 4.53 ಕಿ.ಮೀ. ಫೀಡರ್ ಚಾನಲ್ ಕಾಮಗಾರಿಯಲ್ಲಿ ಅರ್ಧ ಕಿ.ಮೀ. ಕಾಮಗಾರಿ ಮಾತ್ರ ಉಳಿದಿದೆ. ಭೂ ಸ್ವಾದೀನ ಪ್ರಕ್ರಿಯೆ ಮುಗಿದಿದ್ದು, ಪರಿಹಾರ ವಿತರಣೆ ಕಾರ್ಯ ಪ್ರಗತಿಯಲ್ಲಿದೆ’ ಎಂದು ಭದ್ರಾ ಮೇಲ್ದಂಡೆ ಯೋಜನೆಯ ಎಇಇ ನಾಗರಾಜ್ ತಿಳಿಸಿದ್ದಾರೆ.