ಕಲುಷಿತ ಸಮಾಜಕ್ಕೆ ದೈವಶಕ್ತಿಯ ಅನುಗ್ರಹ ಅಗತ್ಯ: ಪೇಜಾವರ ಶ್ರೀ

ಮಂಗಳವಾರ, ಜೂನ್ 25, 2019
22 °C
ಅತಿರುದ್ರ ಮಹಾಯಾಗ

ಕಲುಷಿತ ಸಮಾಜಕ್ಕೆ ದೈವಶಕ್ತಿಯ ಅನುಗ್ರಹ ಅಗತ್ಯ: ಪೇಜಾವರ ಶ್ರೀ

Published:
Updated:
Prajavani

ಭದ್ರಾವತಿ: ಸಮಾಜದ ಎಲ್ಲಾ ಕ್ಷೇತ್ರದಲ್ಲೂ ಕಲುಷಿತ ವಾತಾವರಣ ಸೃಷ್ಟಿಯಾಗಿದ್ದು, ಭವಿಷ್ಯದ ಬದುಕಿಗೆ ಆತಂಕವನ್ನು ತಂದೊಡ್ಡಿದೆ ಎಂದು ಉಡುಪಿ ಪೇಜಾವರ ಮಠದ ವಿಶ್ವೇಶತೀರ್ಥ ಸ್ವಾಮೀಜಿ ಅಭಿಪ್ರಾಯಪಟ್ಟರು.

ಸತ್ಯಸಾಯಿ ಸೇವಾ ಸಂಸ್ಥೆ ಆವರಣದಲ್ಲಿ ಭಾನುವಾರ ನಡೆದ ಅತಿರುದ್ರ ಮಹಾಯಾಗದ ಸಮಾರೋಪ ಸಮಾರಂಭದಲ್ಲಿ ಸಾನ್ನಿಧ್ಯ ವಹಿಸಿ ಅವರು ಮಾತನಾಡಿದರು.

ರಾಜಕೀಯ, ಸಾಮಾಜಿಕ, ಆರ್ಥಿಕ ಹಾಗೂ ಪ್ರಕೃತಿಯಲ್ಲಿ ಅಸಹನೀಯ ಪರಿಸ್ಥಿತಿ ಸೃಷ್ಟಿಯಾಗಿ ಎಲ್ಲವೂ ಅವನತಿಯ ಹಾದಿ ಹಿಡಿದಿದೆ. ಇಂತಹ ಸಂದರ್ಭದಲ್ಲಿ ನಮ್ಮಲ್ಲಿನ ವರ್ತನೆಗಳು ಸಹ ವ್ಯತಿರಿಕ್ತವಾಗಿವೆ. ಇದು ಸಮಾಜದಲ್ಲಿ ವೈರುಧ್ಯ ಮನಸ್ಸುಗಳು ಹೆಚ್ಚಾಗಲು ಕಾರಣವಾಗಿದೆ ಎಂದರು.

ಅನ್ಯಮಾರ್ಗದ ರಾಜಕಾರಣ, ತಂತ್ರಗಳಿಂದ ಜನರ ನಡುವೆ ಬಿರುಕು ಮೂಡುತ್ತಿದೆ. ಯಂತ್ರಗಳು ಹೊರ ಹಾಕುವ ತ್ಯಾಜ್ಯಗಳಿಂದ ಪರಿಸರದ ಮೇಲಿನ ದಬ್ಬಾಳಿಕೆ ಹೆಚ್ಚಿದೆ. ಇದಕ್ಕೆಲ್ಲಾ ಕಾರಣ ಮಾನವನ ದುರಾಸೆ ಕಾರಣ. ಈ ಸಂದರ್ಭದಲ್ಲಿ ನಡೆಯುವ ಇಂತಹ ಯಜ್ಞಯಾಗಾದಿಗಳು ಕಲುಷಿತ ಮನಸ್ಸುಗಳ ಬದಲಾವಣೆಗೆ ನೆರವಾಗಿ ದೈವಿಶಕ್ತಿ ಪ್ರಭಾವವನ್ನು ಸಾಧಿಸುತ್ತದೆ. ಇದು ಸಹಜವಾಗಿ ಹೊಸ ಬದಲಾವಣೆಗೆ ದಾರಿ ಮಾಡಿಕೊಡುತ್ತದೆ. ಆಗಾಗ ಇಂತಹ ಕಾರ್ಯಕ್ರಮಗಳು ನಡೆಯುತ್ತಿರಬೇಕು ಎಂದು ಹೇಳಿದರು.

ಮಹಾಯಾಗ ನಡೆಸಿಕೊಟ್ಟ ಕೆ.ಎಸ್. ಲಕ್ಷ್ಮೀನಾರಾಯಣ ಸೋಮಯಾಜಿ ಮಾತನಾಡಿದರು. ಪ್ರಭಾಕರ ಬೀರಯ್ಯ, ವೆಂಕಟಗೋಸಾಯಿ, ವಾಸುಕಿ, ಢಾಕಪ್ಪ ಇದ್ದರು.

ವಿರಾಟ್ ಕೊಹ್ಲಿ ನಾಯಕತ್ವದ ಭಾರತ ಕ್ರಿಕೆಟ್‌ ತಂಡ ಕಪ್ ಗೆಲ್ಲುತ್ತಾ? ಐಸಿಸಿ ವಿಶ್ವಕಪ್ 2019 ಯಾರು ಗೆಲ್ಲುತ್ತಾರೆ? ಕೋಟ್ಯಂತರ ಕ್ರಿಕೆಟ್ ಪ್ರೇಮಿಗಳ ನಿರೀಕ್ಷೆಗೆ ಉತ್ತರ ಸಿಗುವ ಕಾಲ ಬಂದಿದೆ. ವಿಶ್ವಕಪ್ ಕ್ರಿಕೆಟ್‌ನ ಸ್ಕೋರ್ ಅಪ್‌ಡೇಟ್ಸ್‌, ಮ್ಯಾಚ್‌ಗಳ ವರದಿ, ವಿಶ್ವಕಪ್ ಕ್ರಿಕೆಟ್ ಹೆಜ್ಜೆ ಗುರುತು, ಆಟಗಾರರ ಸಂದರ್ಶನ, ವೇಳಾಪಟ್ಟಿ ತಿಳಿದುಕೊಳ್ಳಲು www.prajavani.net ಜಾಲತಾಣಕ್ಕೆ ಭೇಟಿ ನೀಡಿ. ಕ್ರೀಡಾಪ್ರೇಮಿಗಳ ನೆಚ್ಚಿನ ಆಯ್ಕೆ ‘ಪ್ರಜಾವಾಣಿ’. ಇದು ಅತ್ಯಂತ ವಿಶ್ವಾಸಾರ್ಹ ಸುದ್ದಿ ಮಾಧ್ಯಮ.

ಬರಹ ಇಷ್ಟವಾಯಿತೆ?

  • 0

    Happy
  • 1

    Amused
  • 0

    Sad
  • 0

    Frustrated
  • 0

    Angry

Comments:

0 comments

Write the first review for this !