ವಿಷಯ, ವಿಭಾಗವಾರು ಮೀಸಲಾತಿ

ಈ ಸಂಬಂಧ ವಿಶ್ವವಿದ್ಯಾಲಯ ಅನುದಾನ ಆಯೋಗ (ಯುಜಿಸಿ) ಪರಿಷ್ಕೃತ ನಿಯಮಗಳ ಅಧಿಸೂಚನೆ ಹೊರಡಿಸಿದೆ. ಎಲ್ಲ ಹಂತಗಳಲ್ಲೂ ವಿಷಯವಾರು ಅಥವಾ ವಿಭಾಗವಾರು ಬೋಧಕರ ನೇಮಕಕ್ಕೆ ಅನುಗುಣವಾಗಿ ಪ್ರತ್ಯೇಕವಾಗಿ ಹುದ್ದೆಗಳ ಸಂಖ್ಯೆಯನ್ನು ಲೆಕ್ಕ ಹಾಕಿ ಮೀಸಲಾತಿ ನೀಡಬೇಕು ಮತ್ತು ರೋಸ್ಟರ್ ಪದ್ಧತಿ ಅನುಸರಿಸಬೇಕು. ಇದುವರೆಗೆ, ನೇಮಕ ಮಾಡಿಕೊಳ್ಳುವ ಒಟ್ಟು ಬೋಧಕರ ಸಂಖ್ಯೆಗೆ ಅನುಗುಣವಾಗಿ ಮೀಸಲಾತಿ ನಿಗದಿ ಮಾಡಲಾಗುತ್ತಿತ್ತು.

ತಕ್ಷಣದಿಂದಲೇ ಹೊಸ ನಿಯಮಗಳನ್ನು ಅನುಸರಿಸಬೇಕು. ಒಂದು ತಿಂಗಳ ಒಳಗಾಗಿ ಹೊಸ ರೋಸ್ಟರ್ ಸಿದ್ಧಪಡಿಸಬೇಕು ಎಂದು ಕುಲಪತಿಗಳಿಗೆ ತಿಳಿಸಲಾಗಿದೆ.