ಅಂಧರಿಗಾಗಿ ‘ವಿ.ಎಲ್.ಗ್ಲಾಸ್’ ಕನ್ನಡಕ ಅಭಿವೃದ್ಧಿ

7
ಸಹ್ಯಾದ್ರಿ ಇನ್ನೊವೇಶನ್‌ ಹಬ್‌ ವಿಶಿಷ್ಟ ತಂತ್ರಜ್ಞಾನ

ಅಂಧರಿಗಾಗಿ ‘ವಿ.ಎಲ್.ಗ್ಲಾಸ್’ ಕನ್ನಡಕ ಅಭಿವೃದ್ಧಿ

Published:
Updated:
Deccan Herald

ಮಂಗಳೂರು: ಸ್ಟಾರ್ಟ್ ಅಪ್ ಇಂಡಿಯಾದಿಂದ ಗುರುತಿಸಿಕೊಂಡಿರುವ ಅಡ್ಯಾರ್‌ನ ಸಹ್ಯಾದ್ರಿ ಎಂಜಿನಿಯರಿಂಗ್ ಕಾಲೇಜಿನ  ‘ಸಹ್ಯಾದ್ರಿ ಇನ್ನೊವೇಷನ್ ಹಬ್’ ಆಶ್ರಯದಲ್ಲಿ ಆರ್ ಡಿ ಎಲ್ ಟೆಕ್ನಾಲಜೀಸ್ ಸಂಸ್ಥೆಯು ದೃಷ್ಟಿಹೀನರಿಗಾಗಿ ‘ವಿ.ಎಲ್‌. ಗ್ಲಾಸ್‌‘ ಕನ್ನಡಕ ಸಂಶೋಧನೆ ಮಾಡಿದೆ.

ಅದರ ಪೂರ್ವಭಾವಿಯಾಗಿ ಶುಕ್ರವಾರ ಕಾಲೇಜಿನಲ್ಲಿ ವಿ.ಎಲ್. ಗ್ಲಾಸ್, ಅಂಧರ ಬಾಳಿಗೊಂದು ಆಶಾಕಿರಣ ಕುರಿತು ಪ್ರಾತ್ಯಕ್ಷಿಕೆ ನಡೆಯಿತು.

ವಿಶ್ವದಾದ್ಯಂತ ಅಂಧತ್ವವು ಸವಾಲಾಗಿ ಪರಿಣಮಿಸಿದೆ. ಅದನ್ನು ನಿವಾರಣೆ ಮಾಡುವ ನಿಟ್ಟಿನಲ್ಲಿ ಅಂಧರಿಗಾಗಿ ವಿಶ್ವದಲ್ಲಿಯೇ ಪ್ರಥಮ ಬಾರಿಗೆ ‘ವಿ.ಎಲ್. ಗ್ಲಾಸ್’ ಕನ್ನಡಕ ಸಂಶೋಧನೆ ರೂಪದಲ್ಲಿ ಹೊರಹೊಮ್ಮಿದೆ.

ವಿ.ಎಲ್. ಗ್ಲಾಸ್ ವಿಶಿಷ್ಟ ಕನ್ನಡಕದ ಮೂಲಕ ಬಹುಮುಖ ಚಲನಶೀಲತೆ ನೆರವು ಪಡೆಯಬಹುದಾಗಿದೆ. ಅಂಧ, ದೃಷ್ಟಿಹೀನರಿಗೆ ಪರಿಣಾಮಕಾರಿ ಸಂವಹನ ದೃಷ್ಟಿ ಮಾಧ್ಯಮ ಇದಾಗಿದೆ. ಅಂಧರ ಬಾಳಿನಲ್ಲಿ ಬೆಳಕು ಮೂಡಿಸುವ ಮಹತ್ತರವಾದ ಕೆಲಸಕ್ಕೆ ಪ್ರತಿಫಲ ಸಿಕ್ಕಂತಾಗಿದೆ. ಬೆಳಕಿನ ಆವರ್ತಗಳನ್ನಷ್ಟೇ ಅವಲಂಬಿಸಿ, ಅಪಾಯಕಾರಿ ಆರ್ ಎಫ್ ತರಂಗಗಳ ವಿಕಿರಣ ನಿವಾರಿಸಿ ಸಂಶೋಧನೆ ಮಾಡಿರುವ ತಂತ್ರಜ್ಞಾನವೇ ಎಲ್ಐಎಫ್ಐ. ಈ ತಂತ್ರಜ್ಞಾನದಿಂದ ಆವಿಷ್ಕರಿಸಲಾಗಿರುವ ಅದ್ಭುತ ಕೊಡುಗೆ ‘ವಿ.ಎಲ್.ಗ್ಲಾಸ್’. ದೃಷ್ಟಿಹೀನರಿಗಾಗಿಯೇ ಈ ಅಪೂರ್ವ ತಂತ್ರಜ್ಞಾನ ಇದೆ ಎಂದು ಆರ್‌ಡಿಎಲ್‌ ಕಂಪನಿಯ ಸ್ಥಾಪಕ ನಿರ್ದೇಶಕ ಹಾಗೂ ಸಿಇಒ ರಾಘವೇಂದ್ರ ಜಿ.ಶೆಟ್ಟಿ ಮಾಹಿತಿ ನೀಡಿದರು.

ಸಂಶೋಧನೆ ಹಾಗೂ ತಂತ್ರಜ್ಞಾನದ ಎಲ್ಲ ಹಂತದ ಕೆಲಸಗಳು ಮುಗಿದಿದ್ದು, ಪ್ರಾಯೋಗಿಕ ಪ್ರಾತ್ಯಕ್ಷತೆ ನೀಡಲಾಗುತ್ತಿದೆ. ವಿ.ಎಲ್.ಗ್ಲಾಸ್‌ನ ಬೆಲೆ ₹ 500 ರಿಂದ ₹ 600 ಆಗಬಹುದು. ಉತ್ಪಾದಕರು ಮುಂದೆ ಬಂದರೆ 6 ತಿಂಗಳ ಒಳಗಾಗಿ ಈ ಕನ್ನಡಕವು ಮಾರುಕಟ್ಟೆಯಲ್ಲಿ ಲಭ್ಯವಾಗಲಿದೆ ಎಂದು ರಾಘವೇಂದ್ರ ಶೆಟ್ಟಿ ಹೇಳಿದರು.

ಸಹ್ಯಾದ್ರಿ ಕಾಲೇಜಿನ ಉಪಪ್ರಾಚಾರ್ಯ ಎಸ್‌.ಎಸ್‌. ಬಾಲಕೃಷ್ಣ, ಸಂಶೋಧನಾ ನಿರ್ದೇಶಕ ಡಾ. ಮಂಜಪ್ಪ, ಟ್ರಸ್ಟಿ ದೇವದಾಸ್‌ ಹೆಗ್ಡೆ , ತಾಂತ್ರಿಕ ನಿರ್ದೇಶಕ ಕನ್ವಲ್ ಕರ್ಕೇರ, ಡಾ ಅಶ್ವತ್ ರಾವ್ ಹಾಗೂ ಡಾ ಅನೂಶ್ ಬೇಕಲ್, ವಿಶ್ವನಾಥ್ ಆಚಾರ್ಯ, ಗಣೇಶ್ ಐತಾಳ್, ಪ್ರದೀಪ್ ಇದ್ದರು.

 

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry

Comments:

0 comments

Write the first review for this !