ಫ್ರಾನ್ಸಿಸ್ಕೊ ಸಾರ್ಡಿನ್ಹಾರಿಗೆ ಆತ್ಮೀಯ ಸನ್ಮಾನ

ಕಥೋಲಿಕ್ ಸಭಾ ಕೇಂದ್ರೀಯ ಅಧ್ಯಕ್ಷ ಸ್ಟ್ಯಾನಿ ಲೋಬೊ ಸ್ವಾಗತಿಸಿದರು. ಫ್ರಾನ್ಸಿಸ್ಕೊ ಸಾರ್ಡಿನ್ಹಾ ಅವರ ಜನಪರ ಸೇವೆಯನ್ನು ಸ್ಮರಿಸಿದ ಅವರು, ಕಾಂಗ್ರೆಸ್ ಪಕ್ಷದ ಮುಖಂಡ ಸಾರ್ಡಿನ್ಹಾ ಅವರು ಗೋವೆಯ ಕುರ್ಟೊರಿಂ ವಿಧಾನಸಭಾ ಕ್ಷೇತ್ರದಿಂದ ಆರು ಬಾರಿ ಗೆದ್ದವರು ಎಂದರು. ಕಥೋಲಿಕ್ ಸಭೆಯ ಮಾಸಿಕ ಪತ್ರಿಕೆ ‘ಆಮ್ಚೊ ಸಂದೇಶ್’ ಇದರ ರಾಷ್ಟ್ರೀಯ ನೋಂದಣಿಯ ಪರವಾನಗಿಯನ್ನು ನವೀಕರಿಸುವಲ್ಲಿ ಮಾಡಿದ ಸಹಾಯಕ್ಕಾಗಿ ಫ್ರಾನ್ಸಿಸ್ಕೊ ಅವರಿಗೆ ಧನ್ಯವಾದ ಸಲ್ಲಿಸಿದರು.

ಕಥೋಲಿಕ್ ಸಭಾ ಕೇಂದ್ರೀಯ ಆಧ್ಯಾತ್ಮಿಕ ನಿರ್ದೇಶಕ ಜೆ.ಬಿ. ಸಲ್ಡಾನ್ಹ, ಮಂಗಳೂರು ಧರ್ಮಪ್ರಾಂತ್ಯದ ಸಾರ್ವಜನಿಕ ಸಂಪರ್ಕಾಧಿಕಾರಿ ರಾಯ್ ಕ್ಯಾಸ್ಟಲಿನೊ, ‘ಆಮ್ಚೊ ಸಂದೇಶ್’ ಪತ್ರಿಕೆಯ ಸಂಪಾದಕ ವಿಲ್‍ಫ್ರೆಡ್ ಲೋಬೊ, ಭಾರತೀಯ ಸಣ್ಣ ಉದ್ಯಮಿಗಳ ಒಕ್ಕೂಟದ ರಾಷ್ಟ್ರೀಯ ಕಾರ್ಯಕಾರಿ ಸದಸ್ಯ ಡೊಲ್ಫಿ ಪ್ರಶಾಂತ್ ಡಿಸೋಜ, ಕಥೋಲಿಕ್ ಸಭಾದ ಪ್ರಧಾನ ಕಾರ್ಯದರ್ಶಿ ನೊರಿನ್ ಪಿಂಟೊ, ಖಜಾಂಚಿ ಆಲ್ಫೋನ್ ಫರ್ನಾಂಡಿಸ್, ಸಹ ಕಾರ್ಯದರ್ಶಿ ಲವಿನಾ ಡಿಸೋಜ ಇದ್ದರು.