ಬೆಳ್ತಂಗಡಿ: ಶಿಶಿಲ ಬಸದಿಯಲ್ಲಿ ಅಪೂರ್ವ ಶಾಸನ ಪತ್ತೆ

ಶಿಲಾಶಾಸನವು 116 ಸೆಂ.ಮೀ. ಎತ್ತರ(ಉದ್ದ), 55 ಸೆಂ.ಮೀ. ಅಗಲ ಇದೆ. ಶಾಸನದಲ್ಲಿ 33 ಸಾಲುಗಳಿವೆ. ತುಳುನಾಡಿನ ರಾಜಕೀಯ ಹಾಗೂ ಧಾರ್ಮಿಕ ಹಿನ್ನೆಲೆ, ಶಿಶಿಲವು ಪ್ರಮುಖ ವಾಣಿಜ್ಯ ಕೇಂದ್ರವಾಗಿದ್ದು ಇಲ್ಲಿ ವರ್ತಕರ ಸಂಘವು ಅಸ್ತಿತ್ವದಲ್ಲಿತ್ತು ಎಂದು ತಿಳಿದು ಬರುತ್ತದೆ. ಇದರ ಬಗ್ಗೆ ವಿಶೇಷ ಅಧ್ಯಯನ ಮಾಡಬೇಕಾಗಿದೆ’ ಎಂದು ಅವರು ತಿಳಿಸಿದ್ದಾರೆ.

ಶಿಶಿಲದಲ್ಲಿ ಜೈನ ಅರಸರ ಆಳ್ವಿಕೆ ಇದ್ದು ಅರಮನೆ, ಕೋಟೆ, ಕೊತ್ತಳದ ಕುರುಹುಗಳು ಪತ್ತೆಯಾಗಿವೆ ಎಂದು ಡಾ. ಎಸ್.ಡಿ. ಶೆಟ್ಟಿ ತಿಳಿಸಿದ್ದಾರೆ. 15ನೇ ಶತಮಾನಕ್ಕೂ ಮೊದಲೇ ಶಿಶಿಲದಲ್ಲಿ ನಿರ್ಮಾಣವಾಗಿದ್ದ 6 ರಿಂದ 8 ಬಸದಿಗಳ ಅವಶೇಷಗಳು ಪತ್ತೆಯಾಗಿವೆ. ಆದರೆ ಪ್ರಸ್ತುತ ಶಿಶಿಲದಲ್ಲಿ ಒಂದು ಕೂಡಾ ಜೈನರ ಮನೆ ಇಲ್ಲ. ಬಸದಿಯು ₹28 ಲಕ್ಷ ವೆಚ್ಚದಲ್ಲಿ ಜೀರ್ಣೋದ್ಧಾರಗೊಂಡಿದ್ದು, ಮಾರ್ಚ್‌ 8 ರಿಂದ 12ರ ವರೆಗೆ ಪಂಚಲ್ಯಾಣ ಮಹೋತ್ಸವ ನಡೆಯಲಿದೆ.