ಲಲಿತ ಮಂಟಪ: ಕಲೆಯ ಕೃತಿಗೆ ನಾಟ್ಯರೂಪಕದ ಕನ್ನಡಿ

ಮಂಗಳೂರು: ನೃತ್ಯಪ್ರಧಾನವಾದ, ಕಲಾವಿದರ ಸಂದರ್ಶನವನ್ನು ಒಳಗೊಂಡ ಕೃತಿಯ ಹೂರಣವನ್ನು ‘ಗೆಜ್ಜೆ ಬರೆದ ಅಕ್ಷರ’ ಪರಿಕಲ್ಪನೆಯಡಿ ನಾಟ್ಯದ ಕನ್ನಡಿಯಲ್ಲಿ ಬಿಂಬಿಸಿದಾಗ ಸೇರಿದ್ದ ಕಲಾಸಕ್ತರಲ್ಲಿ ರೋಮಾಂಚನ, ಪುಳಕ.

‘ಮಯೂರ’ ಮಾಸಪತ್ರಿಕೆಯಲ್ಲಿ ಪ್ರಕಟಗೊಂಡ ರಾಜಲಕ್ಷ್ಮಿ ಕೋಡಿಬೆಟ್ಟು ಅವರ ‘ಲಲಿತ ಮಂಟಪ’ ಅಂಕಣದ ಪುಸ್ತಕ ರೂಪದ ಬಿಡುಗಡೆ ಕಾರ್ಯ ಕ್ರಮದಲ್ಲಿ ಕೃತಿಯಲ್ಲಿರುವ ಕಲಾವಿದರ ಮಾತು–ಕತೆ–ಜೀವನದ ಕುರಿತ ಮಾಹಿತಿಯ ತುಣುಕುಗಳನ್ನು ಸಪ್ನಾ ಬುಕ್ಹೌಸ್ ವೇದಿಕೆಯಲ್ಲಿ ಬುಧವಾರ ಅಭಿನಯಿಸಿ ತೋರಿಸಿದವರು ವಿದುಷಿ ಮಂಜುಳಾ ಸುಬ್ರಹ್ಮಣ್ಯ.

‘ಲಲಿತ ಮಂಟಪ’ದಲ್ಲಿ ಇರುವ 20 ಕಲಾವಿದರ ಸಂದರ್ಶನ ಲೇಖನ ಗಳಲ್ಲಿ ಕೆಲವನ್ನು ಮಂಜುಳಾ ರಂಗಕ್ಕೆ ಅಳವಡಿಸಿದ್ದರು. ಅಕ್ಷರಗಳಲ್ಲಿ ಮೂಡಿದ ಮಾಹಿತಿಯನ್ನು ಗೆಜ್ಜೆ ನಾದದ ಮೂಲಕ ಪ್ರಸ್ತುತಪಡಿಸಿದರು. ಅದರಲ್ಲಿ ಭರತನಾಟ್ಯದ ಉಲ್ಲಾಸವಿತ್ತು, ಯಕ್ಷಗಾನ ನಾಟ್ಯದ ಠೀವಿ ಇತ್ತು, ಅನ್ಯನ್ಯ ನೃತ್ಯಪ್ರಕಾರಗಳಲ್ಲಿ ತೊಡಗಿಸಿಕೊಂಡವರ ಮಾತಿನ ಮಾಧುರ್ಯವಿತ್ತು, ಎದೆಯ ಧನಿ ಇತ್ತು.

ಭರತನಾಟ್ಯದ ಲಾಲಿತ್ಯ, ಒಡಿಸ್ಸಿಯ ಬಿರುಸು ಹೆಜ್ಜೆ ಮತ್ತು ನವಿರು ಭಂಗಿಯನ್ನು ಪ್ರದರ್ಶಿಸಿದ ನಂತರ ಮೋಹಿನಿಯಾಟ್ಟಂ ಕಲಾವಿದೆಯ ಅಂತರಾಳಕ್ಕೆ ಜಿಗಿದರು. ಚಂಡೆ ಮದ್ದಲೆಯ ನಡೆಗಳು ಕೇಳಿದಾಗ ಸಹೃದಯರು ಯಕ್ಷಗಾನದತ್ತ ಹೊರ ಳಿದರು. ಆಗ ಕೇಳಿದ್ದು ಸೂರಿಕುಮೇರು ಗೋವಿಂದ ಭಟ್ಟರ ‘ನಾನು ಕಲೆಯಲ್ಲಿ ಸಾಧಿಸಿದ್ದೆಲ್ಲವೂ ಭಗವಂತನಿಗೆ ಅರ್ಪಣೆ’ ಎಂಬ ಮಾತುಗಳ ಅನುರಣನ. ಯಕ್ಷ ಗಾನ ನಾಟ್ಯದ ಸೊಬಗಿನಲ್ಲಿ ‘ಕಪಟ ನಾಟಕ ರಂಗ...ನಿಪುಣ ಭೀಮನ ನೋಡು’ ಎಂಬ ಹಾಡಿನಲ್ಲಿ ವಿವಿಧ ರಸಗಳ ನಿರೂಪಣೆ ಕಂಡುಬಂತು. ಜನನ್ ಜನನ್ ಜನನ್ ಪಾಯಲ್ ಬಾಜೇ ಮೂಲಕ ತೆರೆ ಎಳೆದರು.

ಚಾರುಕೇಶಿ, ಅಮೃತವರ್ಷಿಣಿ, ಶ್ರೀ, ಮೋಹನ ಮತ್ತು ಧನಶ್ರೀ ರಾಗಗಳ ಮೂಲಕ ಮೋಹಕ ಆಲಾಪ, ಗಾಯನದಲ್ಲಿ ಪವಿತ್ರಾ ಮಯ್ಯ ಸಹಕರಿಸಿದರೆ, ರಾಕೇಶ್ ಹೊಸಬೆಟ್ಟು ಅವರು ಮೃದಂಗ, ತಬಲ, ಚಂಡೆ, ಗೆಜ್ಜೆ ಮತ್ತು ಟಮ್ಕಿಯ ನಾದ ಹೊಮ್ಮಿಸಿದರು.

. ಕಲೆಯನ್ನು ಬಗೆಯುವ ಕಾರ್ಯ

. ಪುಸ್ತಕ ಬಿಡುಗಡೆ ಮಾಡಿದ ಪ್ರೊ ಕೆ.ಚಿನ್ನಪ್ಪ ಗೌಡ ಈ ಕೃತಿಯಲ್ಲಿ ಕಲಾವಿದರನ್ನು ಅರಿಯುವ ಮತ್ತು ಕಲೆಯ ಒಳಗನ್ನು ಬಗೆಯುವ ಕಾರ್ಯ ಮಾಡಲಾಗಿದೆ ಎಂದರು. ಕಾರ್ಯಕ್ರಮದಲ್ಲಿ ಲೇಖಕಿ ರಾಜಲಕ್ಷ್ಮಿ ಕೋಡಿಬೆಟ್ಟು, ಕರಾವಳಿ ಲೇಖಕಿಯರ ಮತ್ತು ವಾಚಕಿಯರ ಸಂಘದ ಅಧ್ಯಕ್ಷೆ ಶಕುಂತಳಾ ಶೆಟ್ಟಿ ಮತ್ತು ಪತ್ರಕರ್ತ ಪಿ.ಬಿ ಹರೀಶ್ ರೈ ಪಾಲ್ಗೊಂಡಿದ್ದರು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಲಲಿತ ಮಂಟಪ: ಕಲೆಯ ಕೃತಿಗೆ ನಾಟ್ಯರೂಪಕದ ಕನ್ನಡಿ

80 ವರ್ಷ ಹಳೆಯ ಸೀರೆಗಳ ಉಡುಪು: ‘ಕಾನ್’ ಅಂಗಳದಲ್ಲಿ ಕನ್ನಡತಿ ದಿಶಾ ಮದನ್ ಜಾದೂ!

ಚಿನಕುರುಳಿ ಕಾರ್ಟೂನ್: ಮೇ 17 ಭಾನುವಾರ 2026

ಕೊಹ್ಲಿ, ವೆಂಕಿ ಅರ್ಧಶತಕ: ಪಂಜಾಬ್‌ ವಿರುದ್ಧ ಗೆದ್ದು ಪ್ಲೇ–ಆಫ್‌ಗೇರಿದ ಆರ್‌ಸಿಬಿ

ಒಂದೇ ಮರದಲ್ಲಿ ಹದಿನಾಲ್ಕು ತಳಿಯ ಮಾವು ಬೆಳೆದು ಬೆರಗು ಮೂಡಿಸಿದ ರೈತ

ಅಯ್ಯರ್ ಭರಾಟೆಗೆ ಮಣಿದ ಶ್ರೇಯಸ್ ಪಡೆ: ಪ್ಲೇ ಆಫ್‌ ಪ್ರವೇಶಿಸಿದ ಆರ್‌ಸಿಬಿ

RR vs DC | ಸ್ಟಾರ್ಕ್ ಮಿಂಚು: ಡೆಲ್ಲಿಗೆ ಜಯ

KKR vs GT | ಬಿಟ್ಟ ಕ್ಯಾಚ್‌ಗಳು ಸೋಲಿಗೆ ಕಾರಣ: ಪಾರ್ಥಿವ್ ಪಟೇಲ್

IPL| ಸೂರ್ಯವಂಶಿ ಸ್ಪೋಟಕ ಆಟ; ಪರಾಗ್, ಜುರೆಲ್ ಅರ್ಧಶತಕ: ಡೆಲ್ಲಿಗೆ 194 ರನ್ ಗುರಿ

ಒಳನೋಟ: ಆಮೆಗತಿಯಲ್ಲಿ ಸಾಗುವ ‘ಸರ್ವೆ’

ಒಳನೋಟ: ಭೂದಾಹಕ್ಕೆ ಕೆರೆಯಂಗಳ ಆಪೋಶನ

ಒಳನೋಟ | ಗೋವಾದಂತೆ ಮಂಗಳೂರು ಬೀಚ್‌ ಪ್ರವಾಸೋದ್ಯಮಕ್ಕೂ ʼಜೀವʼ ತುಂಬಬೇಕಿದೆ..

ಒಳನೋಟ: ಬೇಕು ತಾಲ್ಲೂಕು ಆಸ್ಪತ್ರೆಗೆ ‘ಚಿಕಿತ್ಸೆ’

80 ವರ್ಷ ಹಳೆಯ ಸೀರೆಗಳ ಉಡುಪು: ‘ಕಾನ್’ ಅಂಗಳದಲ್ಲಿ ಕನ್ನಡತಿ ದಿಶಾ ಮದನ್ ಜಾದೂ!

ಚಿನಕುರುಳಿ ಕಾರ್ಟೂನ್: ಮೇ 17 ಭಾನುವಾರ 2026

ಕೊಹ್ಲಿ, ವೆಂಕಿ ಅರ್ಧಶತಕ: ಪಂಜಾಬ್‌ ವಿರುದ್ಧ ಗೆದ್ದು ಪ್ಲೇ–ಆಫ್‌ಗೇರಿದ ಆರ್‌ಸಿಬಿ

ಒಂದೇ ಮರದಲ್ಲಿ ಹದಿನಾಲ್ಕು ತಳಿಯ ಮಾವು ಬೆಳೆದು ಬೆರಗು ಮೂಡಿಸಿದ ರೈತ