ಪಕ್ಕಾ ಸಸ್ಪೆನ್ಸ್, ಥ್ರಿಲ್ಲರ್ ಮತ್ತು ಹಾರರ್ ಸಿನಿಮಾವಾಗಿರುವ ‘ಪರಿ’ಯ ಟ್ರೇಲರ್ ಇದೀಗ ಬಿಡುಗಡೆಯಾಗಿದ್ದು, ಪತ್ನಿ ಅನುಷ್ಕಾ ಜತೆಯೇ ವಿರಾಟ್ ಈ ಟ್ರೇಲರ್ ನೋಡಿದ್ದಾರೆ. ತೆರೆ ಮೇಲೆ ದೆವ್ವವಾಗಿ ಕಾಣಿಸಿಕೊಂಡಿರುವ ಪತ್ನಿಯ ಪಾತ್ರದ ಕುರಿತು ಸಾಮಾಜಿಕ ಜಾಲತಾಣಗಳಲ್ಲಿ ಹಂಚಿಕೊಂಡಿರುವ ವಿರಾಟ್, ಟ್ರೇಲರ್ ನೋಡಿದರೆ ಭಯವಾಗುತ್ತದೆ ಅಂತಲೂ ಹೇಳಿಕೊಂಡಿದ್ದಾರೆ. ಅಷ್ಟೇ ಅಲ್ಲ ‘ಸಿನಿಮಾವನ್ನು ಶೀಘ್ರದಲ್ಲೇ ತೆರೆ ಮೇಲೆ ನೋಡಬೇಕೆಂಬ ಆಸೆ ಮೂಡುತ್ತಿದೆ. ತಡೆಯಲು ಆಗುತ್ತಿಲ್ಲ’ ಎಂದೂ ಟ್ವೀಟ್ ಮಾಡಿದ್ದಾರೆ.