ಕಾರ್ಯಕ್ರಮದ ಅಂಗವಾಗಿ ಮಹಾಗಣಪತಿಗೆ 108 ತೆಂಗಿನಕಾಯಿ ಗಣಪತಿ ಹೋಮವು ಚೌತಿಯಂದು ನಡೆಯಲಿದೆ. ನೂಚಿಲದ ವಾಸುದೇವ ಭಟ್ ಅವರ ಮನೆಯಲ್ಲಿ ಕಲಾವಿದ ಕೃಷ್ಣಪ್ರಸಾದ್ ಅವರು ನಿರ್ಮಿಸಿದ ಮಹಾಗಣಪತಿಯ ವಿಗ್ರಹವನ್ನು ಮಂಗಳ ವಾದ್ಯಗಳ ನಿನಾದಗಳೊಂದಿಗೆ ಉತ್ತರಾದಿ ಮಠಕ್ಕೆ ಮೆರವಣಿಗೆಯಲ್ಲಿ ತರಲಾಗುತ್ತದೆ. ಬಳಿಕ ವಿಗ್ರಹ ಪ್ರತಿಷ್ಠಾಪಿಸಿ ಪೂಜೆ ನೆರವೇರಿಸಲಾಗುತ್ತದೆ. ಈ ಬಾರಿ ಮಹಾಗಣಪತಿಗೆ ತೊಡಿಸಲು ಸಮಿತಿಯ ವತಿಯಿಂದ ಕಡಬದ ಶ್ರೀದೇವಿ ಪ್ಯಾಲೇಸ್‌ನವರು ತಯಾರಿಸಿದ 2.475ಕೆ.ಜಿ ತೂಕದ ಸುಮಾರು ₹ 2.80ಲಕ್ಷ ಮೌಲ್ಯದ ಬೆಳ್ಳಿ ಕಿರೀಟ, ಪಾಶಂಕುಶ ಅರ್ಪಣೆಯಾಗಲಿದೆ ಎಂದು ಪ್ರಕಟಣೆ ತಿಳಿಸಿದೆ.
