ಗಾಳಿಪಟದ ವಿನ್ಯಾಸ ಮತ್ತು ಬಣ್ಣ ಸಂಯೋಜನೆಯನ್ನು ದಿನೇಶ್ ಹೊಳ್ಳ ಅವರು ಮಾಡಿದ್ದು, ಪ್ರಾಣೇಶ್ ಮತ್ತು ಸತೀಶ್ರಾವ್ ಅವರು ಹೊಲಿಗೆಯಲ್ಲಿ ಸಹಕರಿಸಿದ್ದಾರೆ. ಕೋರಿಕಟ್ಟ ಗಾಳಿಪಟ ವಿಭಿನ್ನವಾಗಿದೆ. ಕರಾವಳಿ ಕಡಲಿನಲ್ಲಿ ಸೂರ್ಯ ಮುಳುಗುವ ಸಂಕೇತವಾಗಿ ಕೇಸರಿ ಬಣ್ಣವನ್ನು ಒಂದೆಡೆ ಮತ್ತು ಕೋಳಿಗಳ ಚಿತ್ರಕ್ಕೆ ಬಿಳಿ ಬಣ್ಣದ ಹಿನ್ನೆಲೆಯನ್ನು ಬಳಸಲಾಗಿದೆ. ತುಳುನಾಡಿಗೆ ರಕ್ಷಣೆಯಾಗಿ ನಿಂತಿರುವ ಪಶ್ಚಿಮ ಘಟ್ಟದ ಸಂಕೇತವಾಗಿ ಹಸಿರು ಬಣ್ಣವನ್ನು ತಳಭಾಗದಲ್ಲಿ ಬಳಸಲಾಗಿದೆ. ಇದು ತ್ರಿವರ್ಣ ಧ್ವಜದ ಸಂಕೇತವೂ ಹೌದು ಎಂದು ಅವರು ವಿವರಿಸಿದರು.