ರೈಲುಗಳ ಸಂಚಾರ ಪುನರಾರಂಭ

ಚೆನ್ನೈ ಸೆಂಟ್ರಲ್‌–ಮಂಗಳೂರು (ರೈ.ಸಂ. 02685) ದೈನಿಕ ಸೂಪರ್‌ಫಾಸ್ಟ್‌ ರೈಲು ಬುಧವಾರ (ಜೂನ್‌16)ದಿಂದ ಸಂಚಾರ ಆರಂಭಿಸಿದ್ದು, ಮಂಗಳೂರು–ಚೆನ್ನೈ ಸೆಂಟ್ರಲ್ (ರೈ.ಸಂ. 02686) ರೈಲು ಜೂನ್ 17 ರಂದು ಸಂಚಾರ ಆರಂಭಿಸಲಿವೆ.

ತಿರುವನಂತಪುರ ಸೆಂಟ್ರಲ್– ಮಂಗಳೂರು (ರೈ.ಸಂ. 06347) ದೈನಂದಿನ ವಿಶೇಷ ರೈಲು ಬುಧವಾರ (ಜೂನ್ 16) ದಿಂದ ಸಂಚಾರ ಆರಂಭಿಸಿದ್ದು, ಮಂಗಳೂರು–ತಿರುವನಂತಪುರ ಸೆಂಟ್ರಲ್ (06348) ರೈಲು ಜೂನ್ 17 ರಿಂದ ಸಂಚಾರ ಆರಂಭಿಸಲಿದೆ.

ಮಂಗಳೂರು ಸೆಂಟ್ರಲ್– ನಾಗರಕೊಯಿಲ್ (ರೈ.ಸಂ. 06605) ದೈನಿಕ ಎರ್ನಾಡ್‌ ವಿಶೇಷ ರೈಲು ಬುಧವಾರದಿಂದ ಸಂಚಾರ ಆರಂಭಿಸಿದೆ. ನಾಗರಕೊಯಿಲ್‌–ಮಂಗಳೂರು ಸೆಂಟ್ರಲ್‌ (ರೈ.ಸಂ. 06606) ರೈಲು ಜೂನ್ 17ರಿಂದ ಸಂಚರಿಸಲಿದೆ.

ಕೊಯಮತ್ತೂರು ಜಂಕ್ಷನ್–ಮಂಗಳೂರು ಸೆಂಟ್ರಲ್ (ರೈ.ಸಂ. 06323) ಹಾಗೂ ಮಂಗಳೂರು ಸೆಂಟ್ರಲ್‌–ಕೊಯಮತ್ತೂರು ಜಂಕ್ಷನ್‌ (ರೈ.ಸಂ. 06324) ರೈಲುಗಳು ಬುಧವಾರದಿಂದ ಸಂಚಾರ ಶುರು ಮಾಡಿವೆ.

ಮಂಗಳೂರು ಸೆಂಟ್ರಲ್–ಚೆನ್ನೈ ಸೆಂಟ್ರಲ್ (ರೈ.ಸಂ. 06628) ವೆಸ್ಟ್‌ ಕೋಸ್ಟ್‌ ದೈನಿಕ ಸೂಪರ್‌ಫಾಸ್ಟ್ ರೈಲು ಬುಧವಾರದಿಂದ ಓಡಾಟ ಆರಂಭಿಸಿದೆ. ಚೆನ್ನೈ ಸೆಂಟ್ರಲ್‌–ಮಂಗಳೂರು
(ರೈ.ಸಂ. 06627) ವೆಸ್ಟ್ ಕೋಸ್ಟ್‌ ರೈಲು ಜೂನ್‌ 17 ರಿಂದ ಸಂಚಾರ ಆರಂಭಿಸಲಿದೆ.

ಮಂಗಳೂರು–ಲೋಕಮಾನ್ಯ ತಿಲಕ (ರೈ.ಸಂ. 02620) ಮತ್ಸ್ಯಗಂಧ ಎಕ್ಸ್‌ಪ್ರೆಸ್‌ ದೈನಿಕ ರೈಲು ಜೂನ್‌ 15 ರಿಂದ ಹಾಗೂ ಲೋಕಮಾನ್ಯ ತಿಲಕ–ಮಂಗಳೂರು ಸೆಂಟ್ರಲ್‌ (ರೈ.ಸಂ. 02619) ರೈಲು ಜೂನ್‌ 16 ರಿಂದ ಸಂಚಾರ ಆರಂಭಿಸಿವೆ.