ಬೆಂಗಳೂರು: ಹೆಣ್ಣುಮಕ್ಕಳ ದಿನದ ಅಂಗವಾಗಿ ಮಲಬಾರ್ ಗೋಲ್ಡ್ ಮತ್ತು ಡೈಮಂಡ್ಸ್ ವತಿಯಿಂದ 'ಮೈ ಡಾಟರ್ ಮೈ ಹೀರೊ' ಎಂಬ ಸ್ಪರ್ಧೆಯನ್ನು ದೇಶದಾದ್ಯಂತ ತನ್ನ ಎಲ್ಲ ಮಳಿಗೆಗಳಲ್ಲಿ ಆಯೋಜಿಸಿತ್ತು. ಇವುಗಳಲ್ಲಿ ವಿಶೇಷವಾದ ಪತ್ರಗಳನ್ನು ಆಯ್ಕೆ ಮಾಡಿ, ವಿಜೇತರಿಗೆ ಆಕರ್ಷಕ ಉಡುಗೊರೆಗಳು ಹಾಗೂ ವೋಚರ್‌ಗಳನ್ನು ಒಳಗೊಂಡ ಬಹುಮಾನವನ್ನುಭಾನುವಾರ ವಿತರಿಸಲಾಯಿತು.
ಸೆ.21ರಿಂದ 26ರವರೆಗೆ ನಡೆದ ಈ ಸ್ಫರ್ಧೆಯಲ್ಲಿ ಭಾಗವಹಿಸುವ ಗ್ರಾಹಕರು ತಮ್ಮ ಸಮೀಪದ ಮಳಿಗೆಯಿಂದ ಮೈ ಡಾಟರ್ ಮೈ ಹೀರೊ ಪತ್ರವನ್ನು ಪಡೆದು, ಮಗಳು ಹಾಗೂ ತಂದೆಯ ಕುರಿತು ವಿಶೇಷ ಸಂಗತಿಗಳನ್ನು ಪರಸ್ಪರ ಬರೆದು, ಮಳಿಗೆಯ ಬಾಕ್ಸ್ ನಲ್ಲಿ ಹಾಕುವಂತೆ ತಿಳಿಸಲಾಗಿತ್ತು.
'ಪ್ರತಿ ತಂದೆಗೂ ತನ್ನ ಮಗಳೆಂದರೆ ವಿಶೇಷ. ಹಾಗಾಗಿ, ಹೆಣ್ಣುಮಕ್ಕಳ ದಿನವೇ ತಂದೆಯರಿಗೆ ವಿಶೇಷವಾದ ದಿನ. ತಂದೆ ಮತ್ತು ಮಗಳ ನಡುವಿನ ಆರೈಕೆ, ಪ್ರೇಮ, ನಂಬಿಕೆ ಮತ್ತು ಅನುಬಂಧವನ್ನು ಬೆಸೆಯುವ ಉದ್ದೇಶದಿಂದ ಈ ಸ್ಪರ್ಧೆ ಆಯೋಜಿಸಲಾಯಿತು' ಎಂದು ಮಲಬಾರ್ ಸಮೂಹ ಸಂಸ್ಥೆಯ ಅಧ್ಯಕ್ಷಎಂ.ಪಿ.ಅಹಮದ್ ತಿಳಿಸಿದರು.
