‘ಪ್ರತಿ ವರ್ಷ ಎಕರೆಗೆ ಎರಡು ಟನ್ ಅವರೆ ಬೆಳೆಯುತ್ತಿದ್ದೆ. ಈ ಸೊಗಡಿನ ಅವರೆಗೆ ಭಾರೀ ಬೇಡಿಕೆ ಇದ್ದು, ಮುಂಜಾನೆ ಬಿಡಿಸಿಕೊಂಡು ಹೋಗಿ ಗ್ರಾಮದ ಪೇಟೆ ಬೀದಿಯಲ್ಲಿ ಸುರಿಯುತ್ತಿದ್ದಂತೆ ಜನ ಮುಗಿ ಬಿದ್ದು ಖರೀದಿಸುತ್ತಿದ್ದರು. ಒಂದು ಗಂಟೆಯಲ್ಲಿ ಎರಡು ಕ್ವಿಂಟಲ್ ಅವರೆ ಮಾರಾಟವಾಗುತ್ತಿತ್ತು. ಆದರೆ ಈ ವರ್ಷ ಬೆಳೆಯೇ ಇಲ್ಲ. ಚಳಿ ಬಿದ್ದರೆ ಈ ಅವರೆ ಸೊಂಪಾಗಿ ಬರುತ್ತದೆ. ನವೆಂಬರ್ ಮೂರನೇ ವಾರವಾದರೂ ಚಳಿ ಆರಂಭವಾಗಿಲ್ಲ. ಮುಂದಿನ ಮೂರು ತಿಂಗಳಲ್ಲಿ ಒಂದು ಎಕರೆಗೆ ಕೇವಲ ಐದು ಕ್ವಿಂಟಲ್ ಕೈಗೆ ಸಿಕ್ಕರೆ ನನ್ನ ನಸೀಬು. ಹಾಕಿದ ಬಂಡವಾಳವೂ ಇಲ್ಲ’ ಎಂದು ಬೇಸರಿಸಿದರು ಅವರು.