ಗುಟ್ಕಾ ತಯಾರಿಕೆಯಲ್ಲಿ ಅತಿ ಹೆಚ್ಚು ಬಳಕೆಯಾಗುವ ಗೊರಬಲು ನಮೂನೆಯ ಅಡಿಕೆಯನ್ನು ಗುಟ್ಕಾ ಕಂಪನಿಯ ಮಾಲೀಕರು ಶ್ರೀಲಂಕಾ, ನೇಪಾಳ, ಸಿಂಗಾಪುರ ಮುಂತಾದ ದೇಶಗಳಿಂದ ಖರೀದಿಸುತ್ತಿದ್ದರು. ಆದರೆ, ಕೇಂದ್ರ ಸರ್ಕಾರ ಅಡಿಕೆ ಆಮದಿನ ಮೇಲೆ ಶೇಕಡ 200ರಷ್ಟು ತೆರಿಗೆ ವಿಧಿಸಲು ನಿರ್ಧರಿಸಿರುವುದರಿಂದ ಗೊರಬಲು ಅಡಿಕೆ ದರ ದುಬಾರಿಯಾಗಿದ್ದು, ಆಮದು ಕಡಿಮೆಯಾಗಿದೆ. ಗುಟ್ಕಾ ಕಂಪನಿಯವರು ಅನಿವಾರ್ಯವಾಗಿ ಇಲ್ಲಿನ ಅಡಿಕೆಯನ್ನೇ ಖರೀದಿಸಬೇಕಿರುವುದು ಅಡಿಕೆ ದರದ ಹೆಚ್ಚಳಕ್ಕೆ ಕಾರಣವಾಗಿದೆ.
