ರೇವಣ್ಣಗೆ ಮೇಣದ ಬತ್ತಿ ಕೊಡುಗೆ ನೀಡಿದ ಬಿಜೆಪಿ

ಲಾಕ್‌ಡೌನ್ ಇರುವ ಕಾರಣ ಮೇಣದ ಬತ್ತಿ ತರುವುದುಹೇಗೆ, ಜ್ಯೋತಿ ಬೆಳಗುವುದು ಹೇಗೆ, ಬಡವರುಗೆ ₹ 10ರ ಕ್ಯಾಂಡಲ್ ಎಲ್ಲಿಂದ ತರುತ್ತಾರೆ.ಹೊರಗೆ ಹೋದರೆ ಪೊಲೀಸರು ಲಾಠಿ ಚಾರ್ಜ್‌ ಮಾಡುತ್ತಾರೆ ಎಂದುಎಚ್‌.ಡಿ. ರೇವಣ್ಣ ವ್ಯಂಗ್ಯವಾಡಿದ್ದರು.

ಕ್ಯಾಂಡಲ್ ತೆಗೆದುಕೊಂಡು ಕುಟುಂಬ ಸಮೇತ ಪಾಲ್ಗೊಳ್ಳುವಂತೆ ಮನವಿ ಮಾಡಿದ ಬಿಜೆಪಿ ಕಾರ್ಯಕರ್ತರು ಹೇಳಿಕೆಗೆ ತಿರುಗೇಟು ನೀಡಿದರು.

‘ಹೊರಗೆ ಹೋಗಲಾರದ ನಿಮ್ಮ ಅಸಹಾಯಕತೆ ನಮಗೆ ತಿಳಿಯಿತು.ಪ್ರಧಾನಿ ಕರೆ ನೀಡಿದ ದೀಪ ಪ್ರಜ್ವಲನ ಕಾರ್ಯಕ್ರಮದಿಂದ ಎಲ್ಲರಿಗೂ ಒಳಿತಾಗಲಿದೆ. ಇಂತಹ ಕಾರ್ಯಕ್ರಮ ಯಶಸ್ವಿಯಾಗಲು ನಿಮ್ಮಂತಹ ದೈವ ಭಕ್ತರ ಸಹಕಾರವೂ ಅತ್ಯವಶ್ಯಕ. ನಿಮ್ಮ ಮನೆಯ ವಿಳಾಸಕ್ಕೆ ಮೇಣದ ಬತ್ತಿ ಪಾಕೆಟ್‌ಗಳನ್ನು ಕಳುಹಿಸಿಕೊಡುತ್ತಿದ್ದು,ಕುಟುಂಬ ಸಮೇತರಾಗಿ ಪಾಲ್ಗೊಳ್ಳಿ’ ಎಂದು ತಿರುಗೇಟು ನೀಡಿದರು.

ಬಿಜೆಪಿ ದಕ್ಷಿಣ ಯುವ ಮೋರ್ಚಾ ಅಧ್ಯಕ್ಷ ಶಿವನಗೌಡ ಪಾಟೀಲ್,ಆನಂದರಾವ್ ಸಿಂಧೆ, ಶ್ರೀಕಾಂತ್‌ ನಿಲಗುಂದ, ಟಿಂಕರ್ ಮಂಜಣ್ಣ, ಅಭಿಷೇಕ ಪಿ. ಇದ್ದರು.