ಗುರುವಾರ, 28 ಮಾರ್ಚ್ 2024
×
ADVERTISEMENT
ಈ ಕ್ಷಣ :
ADVERTISEMENT
ADVERTISEMENT

ವೃದ್ಧ ದಂಪತಿ ಸೇರು ಏಳು ಮಂದಿಗೆ ಕೊರೊನಾ

Last Updated 4 ಜುಲೈ 2020, 16:00 IST
ಅಕ್ಷರ ಗಾತ್ರ

ದಾವಣಗೆರೆ: ವೃದ್ಧ ದಂಪತಿ, ಒಬ್ಬರು ವೃದ್ಧೆ ಸೇರಿ ಏಳು ಮಂದಿಗೆ ಕೊರೊನ ಸೋಂಕು ಇರುವುದು ಶನಿವಾರ ದೃಢಪಟ್ಟಿದೆ.

ಬೆಳಗಾವಿಯಿಂದ ಬಂದಿರುವ ದಾವಣಗೆರೆ ಎಸ್‌ಕೆ ಬಡಾವಣೆಯ 22 ವರ್ಷದ ಯುವಕ (ಪಿ.19801) ಹಾಗೂ ದೆಹಲಿಯಿಂದ ಹಿಂತಿರುಗಿರುವ ದಾವಣಗೆರೆ 23 ವರ್ಷದ ಯುವಕನಿಗೆ (ಪಿ.19802) ಸೋಂಕು ಇರುವುದು ಪತ್ತೆಯಾಗಿದೆ.

ಹೊನ್ನಾಳಿ ತಾಲ್ಲೂಕು ಕ್ಯಾಸಿನಕೆರೆಯ 23 ವರ್ಷದ ಯುವಕನ (ಪಿ.10385) ಸಂಪರ್ಕದಿಂದ 23 ವರ್ಷದ ಯುವತಿಗೆ (19803) ವೈರಸ್‌ ಬಂದಿದೆ.

ಎಂಸಿಸಿ ಎ ಬ್ಲಾಕ್‌ನ ಶೀತಜ್ವರ ಇದ್ದ 73 ವರ್ಷದ ವೃದ್ಧರಿಗೆ (ಪಿ.19804) ಕೊರೊನಾ ಪತ್ತೆಯಾಗಿದೆ. ಅವರ ಪತ್ನಿ 63 ವರ್ಷದ ವೃದ್ಧೆಗೆ (ಪಿ.19805) ಕೂಡಾ ಕೊರೊನಾ ಸೋಂಕು ತಗುಲಿದೆ. ಯಾರ ಸಂಪರ್ಕದಿಂದ ಕೊರೊನಾ ಬಂದಿದೆ ಎಂಬುದನ್ನು ಪತ್ತೆ ಹಚ್ಚಲಾಗುತ್ತಿದೆ.

ಹರಿಹರ ಇಂದಿರಾನಗರದ ಕಂಟೈನ್‌ಮೆಂಟ್‌ ವಲಯದ ಸಂಪರ್ಕದಿಂದ 22 ವರ್ಷದ ಮಹಿಳೆಗೆ (ಪಿ. 19806) ಕೊರೊನಾ ಇರುವುದು ದೃಢಪಟ್ಟಿದೆ. ಚನ್ನಗಿರಿ ಮಠದ ರಸ್ತೆಯಲ್ಲಿ ರ‍್ಯಾಂಡಮ್‌ ಆಗಿ ಪರೀಕ್ಷೆ ನಡೆಸಿದಾಗ 60 ವರ್ಷದ ವೃದ್ಧೆಗೆ (ಪಿ. 19807) ಸೋಂಕು ಇರುವುದು ಪತ್ತೆಯಾಗಿದೆ. ಈ ಇಬ್ಬರಿಗೆ ಯಾರ ಸಂಪರ್ಕ ಎಂಬುದು ಇನ್ನೂ ಗೊತ್ತಾಗಿಲ್ಲ.

ಜಿಲ್ಲೆಯಲ್ಲಿ ಈವರೆಗೆ 345 ಮಂದಿಗೆ ಸೋಂಕು ಬಂದಿದ್ದು, ಅದರಲ್ಲಿ ಶನಿವಾರ ಬಿಡುಗಡೆಯಾದ 9 ಮಂದಿ ಸೇರಿ ಒಟ್ಟು 294 ಮಂದಿ ಗುಣಮುಖರಾಗಿದ್ದಾರೆ. 9 ಮಂದಿ ಮೃತಪಟ್ಟಿದ್ದಾರೆ. ಸಕ್ರಿಯ 42 ಪ್ರಕರಣಗಳಿವೆ.

ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.

ADVERTISEMENT
ADVERTISEMENT
ADVERTISEMENT
ADVERTISEMENT