ನಗರದ ನಾಗರತ್ನಮ್ಮ ಅವರಿಗೆ ಎರಡು ವರ್ಷಗಳ ಹಿಂದೆ ಶಸ್ತ್ರಚಿಕಿತ್ಸೆ ಮಾಡಲಾಗಿತ್ತು. ಆನಂತರ ರಿಂಗ್ ಮತ್ತು ಪೌಚ್ ಮೂಲಕವೇ ಮಲ ವಿಸರ್ಜನೆ ಮಾಡುವಂತಾಗಿತ್ತು. ಹಾಗಾಗಿ ತಿಂಗಳಿಗೆ ಆರೇಳು ರಿಂಗ್, ಪೌಚುಗಳು ಬೇಕಾಗುತ್ತವೆ. ತಿಂಗಳಿಗೆ ಬೇಕಾದಷ್ಟನ್ನು ಒಮ್ಮೆಲೇ ತಂದು ಇಡುತ್ತಿದ್ದರು. ಲಾಕ್ಡೌನ್ ಆಗುವ ಮೊದಲು ತಂದಿಟ್ಟಿದ್ದ ರಿಂಗ್, ಪೌಚು ಕಿಟ್ (ಒಸ್ಟೊಮಿ ಬೆಲ್ಟ್ ಕನ್ವಟೆಕ್, ಸ್ಟೊಮಹೆಸಿವ್ ಪೌಡರ್, ಸರ್ಫಿಟ್ ಪ್ಲಸ್ ಫ್ಲಾಂಜ್, ಸರ್ಫಿಟ್ ಪ್ಲಸ್ ಪೌಚ್, ಟೈಲ್ ಕ್ಲಿಪ್ ಕನ್ವಟೆಕ್ ಮುಂತಾದ ಪರಿಕರಗಳು) ಮುಗಿದಿದೆ. ಈಗ ಹುಡುಕಾಟ ನಡೆಸಿದರೂ ಸಿಗುತ್ತಿಲ್ಲ.