ರಾಂಪುರ (ಸಾಸ್ವೆಹಳ್ಳಿ): ಸಮೀಪದ ಹಾಲಸ್ವಾಮಿ ಮಠದ ಶಿವಕುಮಾರ ಸ್ವಾಮೀಜಿ ಅವರು ಮಠದ ಗೋಶಾಲೆಗೆ ಭಕ್ತರು ನೀಡಿದ್ದ ದನಕರುಗಳನ್ನು ಅಕ್ರಮವಾಗಿ ಕಟುಕರಿಗೆ ಮಾರಾಟ ಮಾಡುತ್ತಿದ್ದಾರೆ ಎಂದು ರಾಂಪುರದ ಆರ್.ಎಂ. ಪ್ರಕಾಶ್ ಗಂಭೀರ ಆರೋಪ ಮಾಡಿದ್ದಾರೆ.
ಮಠದಲ್ಲಿ 100ರಿಂದ 150 ದನಗಳಿದ್ದವು. ಈಗ ಅವುಗಳ ಸಂಖ್ಯೆ ಕಡಿಮೆಯಾಗುತ್ತಿದೆ. ಶನಿವಾರ ಬೆಳಿಗ್ಗೆ 6 ತಿಂಗಳ ಕರು ಸೇರಿ 11 ದನಗಳನ್ನು ಕರೆಕಟ್ಟೆ ಅಶ್ರು ಎಂಬುವವರಿಗೆ ಮಾರಿದ್ದಾರೆ. ಈ ಕುರಿತು ಹೊನ್ನಾಳಿ ಪೊಲೀಸ್ ಠಾಣೆಗೆ ದೂರು ನೀಡಲಾಗಿದೆ ಎಂದು ತಿಳಿಸಿದರು.